Heiðarleiki það gildi sem þjóðin metur mest.

Samkvæmt fyrstu niðurstöðum frá þjóðfundinum í Laugardalshöll þá er heiðarleiki það gildi sem flestir leggja mesta áherslu á. Frelsi er í sjöunda sæti.

Að ljúga að þjóðinni og leggja höfuð áherslu á frelsið er því ekki vænlegt til árangurs í stjórnmálum í dag.

Þessi fyrsta niðurstaða þjóðfundarins er strax eitthvað fyrir okkur Sjálfstæðismenn að moða úr þegar við veljum trúnaðarmenn til starfa fyrir okkur.

Mynd: Á göngubrúnni yfir Kringlumýrarbraut, 1.11.09. 

 

Þjóðin leggur áherslu á heiðarleika

Athugasemdir

[Ólafur (IP-tala skráð) 14.11.2009 kl. 13:51]

En hvað um græðgi? og einstaklingshyggu? Ég hélt að það væru þeir eiginleikar sem væru í mestum metum. Þessi þjóðfundur er örugglega ekki réttur þverskurður af þjóðinni.

[Jón Þórhallsson (IP-tala skráð) 14.11.2009 kl. 14:00]

Þjóðin leggur áherslur á heiðarleika, kærleik, ábyrgð, frelsi, jöfnuð og traust.

Það er allt gott og blessað.

En eru þetta bara ekki innihaldslausir farsar/slagorð sem engin man eftir að fundi loknum.

Mun fólk eitthvað frekar muna eftir þessum áherslum heldur en bara boðorðunum 10?

[Arinbjörn Kúld, 14.11.2009 kl. 15:48]

Sæll og blessaður Friðrik.

Já og menn og konur úr öllum flokkum ættu að taka vel eftir.

Kveðja að norðan

[Andri Geir Arinbjarnarson, 14.11.2009 kl. 22:40]

Þetta er allt gott og blessað en er gleymt þegar að kjörkassanum er komið.  Verkin tala, og þau eru til sýnis við Austurvöll!