Er hafinn undirbúningur að því að kalla saman Landsdóm?

Eyjan birtir í dag frétt þess efnis að í forystusveitum stjórnmálaflokkanna hafi verið í gangi umræða um að líklega verði að kalla Landsdóm saman í framhaldi af skýrslu rannsóknarnefndar Alþingis. Álitið er að í skýrslunni verði svo fast að orði kveðið um vanrækslu fyrrverandi ráðherra að líkur eru á að einn eða fleiri þeirra verði látnir sæta ákæru fyrir Landsdómi. Sjá frétt Eyjunnar hér.

Ég hef skrifað nokkra pistla á þetta blogg hér og hvatt til þess að þeir sem bera ábyrgð á því að banka í einkaeigu var leyft að veðsetja þjóðina fyrir á annað þúsund milljarða (næstum heilli landsframleiðslu) á tæpum tveim árum, það fólk verði dregið fyrir Landsdóm og ákært fyrir Landráð.

Sjá eftirfarandi pistla.

• Ákærum þá fyrir landráð vegna Icesave,  10.02.09
• Ákærum fyrir landráð,  15.02.09
• Kæra á fyrrverandi stjórnarmenn og bankastjóra Landsbankans fyrir landráð,  23.03.09
• Kærum þá sem veðsettu þjóðina fyrir Icesave reikningum fyrir landráð,  10.06.09
• Að veðsetja þjóð sína fyrir þúsund milljarða,  23.06.09
• Kjartan Gunnarsson, segðu þig úr Miðstjórn Sjálfstæðisflokksins,  22.07.09

Mikil viðbrögð hafa verið við þessum pistlum. Greinilegt er að fólki um allt land er ofboðið. 

Á annað hundrað manns haft samband og vill leggja lið. Sumir vilja leggja fram vinnu, aðrir fjármagn og enn aðrir vilja sýna stuðning í verki með því að skrá sig sem þátttakendur. 

Þessi hópur hefur ákveðið að bíða með aðgerðir og sjá hver niðurstaða rannsóknarnefndar Alþingis verður og í framhaldi af því viðbrögð þingsins.

Þeir sem hafa áhuga á að stuðla að því að slík ákæra verði lögð fram hafið samband og sendið póst á [e-mail].

Mynd: Á Landmannaleið, Löðmundarvatn.

 

Athugasemdir

[Valdimar Samúelsson, 16.12.2009 kl. 12:18]

Er Jóns bók ekki enn í gangi eða GRÁGÁS. Hvað kölluðu kallarnir það Tylftardóm og tvöfaldan tylftardóm. Það hljóta að vera einhver lög sem leifa fólkinu/þjóðinni að taka völd í sínar hendur.

[Arinbjörn Kúld, 16.12.2009 kl. 15:51]

Reyndar var því hvíslað að mér um helgina Friðrik af grandvörum og heiðarlegum sjálfstæðismanni, (já þeir finnast enn), að ákveðin öfl innan sjálfstæðisflokksins, samfylkngar og framsóknar á þingi að þau væru að ræða það sín á milli að taka út ákveðna hluti skýrslunnar áður en hún verður birt. Þá kafla sem einmitt taka á málum stjórnmálamanna, aðgerðaleysi, aðgerðum þeirra fyrir hrun og fjárhagslegri fyrirgreiðslu á útrásartímanum. Þetta á að gera til að koma í veg fyrir hugsanlegar málssóknir og um leið telja almenningi trú um að stjórnmálamenn hafi engin áhrif ahft á þróun mála. Einhverra hluta vegna tók ég þessu hvísli alvarlega. Það verður að fylgjast vel með þinginu næstu vikur. Svo er ég til í að vera með í hópnum. Hef sjálfur bloggað um hugsanleg landráð á vísisblogginu mínu.

Kveðja að norða.

[Friðrik Hansen Guðmundsson, 16.12.2009 kl. 16:19]

Þetta sem þú ert að segja Arinbjörn, hljómar mjög illa í mínum eyrum.

Þetta er það sem margir óttast.

[Arinbjörn Kúld, 16.12.2009 kl. 19:01]

Já Friðrik, þetta hleypti illu blóði í mig á sunnudaginn, þessi heimild mín er vel tengd innan flokksins og ég hlusta þegar heimild þessi talar. Það er fyllsta ástæða til að fylgjast vel með þinginu á næstunni.

Kveðja að norðan.

[Friðrik Hansen Guðmundsson, 16.12.2009 kl. 23:59]

Það virðist vera að hér sé ákveðið fólk sem telur sig eiga Ísland og það ætlar sér að verja það eignarhald sitt með kjafti og klóm.

[Arinbjörn Kúld, 17.12.2009 kl. 14:51]

Já, þannig er það Friðrik.

Kveðja að norðan.