"Ótrúlegri þvælu" svarað á AMX

Það er alltaf mjög sérstakt þegar menn nota orðfæri eins og það sem er í fyrirsögn þessa pistils. Það gerði einn af okkar helstu forystumönnum í orkugeirnanum, aðstoðarframkvæmdastjóri Samorku, í pistli sínum á AMX í vikunni, sjá hér, þegar hann svarði pistli Ágústs Þórhallssonar, sjá hér. Ágúst vitar í grein sinni til pistla á þessu bloggi hér. Sæstrengur vestur um haf mjög álitlegur og Borgum Icesave með rafmagni til Bretlands gegnum sæstreng.

Tilefni þessara gífuryrða aðstoðarframkvæmdastjórans er að leikmenn eru að leyfa sér að giska á hvert eitt mesta og best geymda leyndarmál allra tíma á Íslandi er.

Leyndarmálið hvaða verð álfyrirtækin eru að greiða fyrir raforkuna.

Á meðan það verð er ekki upplýst og staðfest af Landsvirkjun þá eru öll verð ágiskun og öll verð jafn trúverðug.

Það kemur því á óvart að aðstoðarframkvæmdastjórinn velur að vitna í þessu samhengi í Hagfræðistofnun HÍ að þeirra niðurstaða væri að orkuverð til "stóriðju" væri 25-28 mills, sem samsvarar í  dag 3,3 kr.

Þetta er jafn "upplýsandi" og annað í umræðunni. Síldarbræðslur og allt að því garðyrkjubændur eru skilgreind sem "stóriðja" á Íslandi.  Verð til "stóriðju" hefur lítið með verð til "álvera" að gera.

Tryggvi Bjarnason kom inn á bloggið hjá mér og fullyrti að verðið til álvera væri 27 aurar á kWh. Hvort þetta eru "gamlar" krónur án 100% gengisfallsins veit ég ekki. Í "gömlum" krónum væri þetta um ein króna.

Við værum kannski eitthvað nær sannleikanum, þó ég efist um það, ef við horfðum til blaðaviðtalsins fræga við forstjóra Alcoa sem haft var við hann á ferð hans um S-Ameríku þegar hann sagði blaðamanni að þeir væru að borga 15 mills á Íslandi, í dag um 1,8 kr/kwh.

Hver svo sem sannleikurinn er í þessu máli þá ætti enginn að "úthúða" samferðafólki sínu þó það leyfi sér að giska á þetta verð meðan það liggur ekki fyrir.

Varðandi söluverð á raforku í Evrópu sem aðstoðarframkvæmdastjóri Samorku gagnrýnir í pistli sínum þá er rétt að minna á að ESB er að leggja á kolefnisskatta á alla raforku sem unnin er með kolum og olíu. Þessir skattar leggjast á 2012. Bretar gera ráð fyrir að fjöldi kolaorkuvera loki í framhaldi. Fyrirséður er okurskortur í Bretlandi á næstu árum. Þessir skattar munu ekki leggjast á græna orku frá Íslandi sem kæmi þangað um sæstreng. Þessi græna orka verður seld á sama verði og þetta skattlagða "kolarafmagn". Þess vegna kemur meira í hlut þeirra sem selja græna raforku en þeirra sem selja "kolaraforku".

Ekki skil ég hvað aðstoðarframkvæmdastjóri Samorku er að fara þegar hann ræðir í þessari grein sinni um skatta, orkutap, og sölu á rafmagni allan sólahringinn o.s.frv.

Ég held menn hljóti að telja það sanngjarnt að þegar verið er að kynna á þeim vettvangi sem þetta blogg er, útreikninga á verði á raforku þá geri menn ráð fyrir að seldar gígavattsstundir á ári séu seldar gígavattsstundir.

Eigum við nokkuð að vera að gera mönnum það upp að þeir séu svo vitlausir að þeir reikni með því að þeir geti selt orku sem tapast í flutningum?

Hvað varðar fullyrðingar aðstoðarframkvæmdastjórans að íslensk orkufyrirtæki hafi lagt mat á orkusölu um sæstreng og hún hingað til ekki verið metin arðsöm þá er þessi fullyrðing í mótsögn við fullyrðingu fyrrverandi forstjóra Landsvirkjunar sem nú síðast í haust lét hafa það eftir sér að sala á raforku í gegnum sæstreng væri kostur sem ætti að skoða.

Öll álfyrirtæki landsins eru aðilar að Samorku og greiða þar inn árgjöld. Aðstoðarframkvæmdastjóri Samorku þiggur því laun sín frá þessum fyrirtækjum.

Þó miklir hagsmunir séu hér á ferð og menn fulltrúar ákveðinna hagsmunaaðila þá er það skylda allra að ræða þessi mál á skynsamlegum nótum og helst án gífuryrða.

 

Athugasemdir

[Hjörtur J. Guðmundsson, 8.10.2009 kl. 13:47]

Athyglisvert.

[Gunnar Th. Gunnarsson, 8.10.2009 kl. 16:26]

Það er ekki rétt að raforkuverðið sé algjörlega á huldu. Það er á bilinu 25-35 mills, sem er 3-4 kr. á kwst.

Nákvæmlega fæst verðið ekki uppgefið vegna meintra viðskiptahagsmuna kaupanda og seljanda.

10 aurar til eða frá, eru engir smáaurar, þegar um mjög stóra orkusölusamninga er að ræða.

[Friðrik Hansen Guðmundsson, 8.10.2009 kl. 19:45]

Sæll Gunnar

Það var maður að hafa samband við mig og fullyrti að verðið væri 17 til 18 mills miðað við 1.500 USD/tonn, það eru þá 2,2 kr.

[Andri Geir Arinbjarnarson, 9.10.2009 kl. 16:26]

Friðrik,

Sala á orku til neytenda í Bretlandi er áhugaverður kostur.  BBC sagði nýleg frá því að orkuverð ætti eftir að hækka um 60% á skömmum tíma.   Mér skilst að hægt sé að selja græna okur á hærra verði en kolarafmagn, þetta er eins og með fiskinn, eldisfiskur er ekki eins verðmætur og sjávarfang.

[Gunnar Th. Gunnarsson, 9.10.2009 kl. 16:39]

Það er ekki raunhæft að selja orku um sæstreng í dag, svona langa vegalengd, hvað sem síðar verður.

[Andri Geir Arinbjarnarson, 9.10.2009 kl. 17:39]

Hér er frétt BBC.

Domestic UK energy bills could rise by 60% by 2016 in a worst-case scenario identified by the energy regulator.

However, most other estimates outlined in the Ofgem report would see prices rise between 14% and 25% above inflation by 2020.

The review also said that up to £200bn of investment was needed to secure supplies and to meet carbon targets.

Volatile gas markets and power stations nearing the end of their use were the chief concerns, the regulator said.

[Friðrik Hansen Guðmundsson, 10.10.2009 kl. 13:46]

Sæll Gunnar

Kynntu þér Nordned strenginn frá Noregi til Hollands. Hann er 580 km langur og 700 MW. Til Skotlands frá Austfjörðum eru um 1.000 km. Með því að taka strenginn upp í Færeyjum til að kæla hann þar,  þá yrði lengsti leggurinn álíka langur og þessi Nordned strengur.

Öll tækni og öll þekking til að leggja 700 MW og 580 km sæstreng er til. Öll tækni og þegging til að leggja tvo slíka strengi annan frá Íslandi til Færeyja og hinn frá Færeyjum til Skotlands er til staðar. Áætlað tap er 10% til 15%.

Kynntu þér líka rannsóknir sem er verið að gera í dag við New York þar sem verið er að prófa hátækni háspennustreng sem er um kvart míla að lengd með kjarna sem er ekki úr málmi og er að flytja rafmagn nánast viðnámslaust.

Þegar þú er búinn að kynna þér þetta þá skulum við ræða aftur saman.

[Gunnar Th. Gunnarsson, 10.10.2009 kl. 14:34]

Tækninni fleygir auðvitað stöðugt fram... sem betur fer, en þær lærðu greinar sem ég var að lesa um þessi mál fyrir um tveimur árum síðan, sögðu annað. En það er ekki saman að jafna að leggja streng yfir hina djúpu Atlantshafsála og að leggja þá yfir grunnsaævi á sandbotni Norðursjávar.

[Gunnar Th. Gunnarsson, 10.10.2009 kl. 14:39]

Og ætla Skotar að kaupa þessa orku? Ef það eru Englendingar, þá erum við að tala um lengri leið.