Gott að lögreglunni stjórna góðir menn

Ég var að vona að mótmælin þróuðust ekki út í það að menn færu að grýta opinberar byggingar. Á stundum eins og þessum þá er það gott að það skuli vera rólegir og yfirvegaðir menn sem stjórna lögreglunni. Annars gætu svona mótmæli þróast út í slagsmál og átök.

Mitt hól í dag er til lögreglunnar. Þeir eru flottir að hafa ekki hleypt þessu upp í tóma vitleysu. Megi þeir bera gæfu til að halda næstu mótmælafundum á sömu nótunum á komandi vikum.

Geir Jón: Lítið má út af bregða

Athugasemdir

[Lára Hanna Einarsdóttir, 8.11.2008 kl. 18:24]

Það sem þú ert að tala um gerðist EFTIR að mótmælafundinum lauk og fólk var að tínast í burtu af Austurvelli. Þetta vissirðu ef þú hefðir verið þarna sjálfur. Nokkur ungmenni fóru að kasta eggjunum og sú uppákoma var ekki á vegum skipuleggjenda mótmælanna.

[Friðrik Hansen Guðmundsson, 8.11.2008 kl. 19:05]

Sæl Lára Hanna

Mér dettur ekki í hug að ætla skipuleggjendum þessara þörfu mótmæla að þeir hafi eitthvað haft með þetta að gera.

Þess vegna ber að þakka lögreglunni að hafa ekki hleypt þessu upp.