Hrossakaup Borgaraflokksins afþökkuð

Niðurstaða Alþingis í atkvæðagreiðslunni að leita samninga við ESB kemur ekki á óvart. Frá því þetta þing kom saman þá hafa menn talið að það væri meirihluti í þinginu fyrir því að láta á það reyna hvaða samningar okkur bjóðast sýnum við áhuga á að ganga í sambandið. Niðurstaðan er því í samræmi við það sem vitað var.

Það eina sem kom á óvart í þessu máli er þau vinnubrögð sem fulltrúar Borgaraflokksins hafa viðhaft. Að rifta gerðu samkomulagi, hóta og reyna að stilla ríkisstjórninni upp við vegg eins og þingmenn Borgaraflokksins reyndu með því að blanda saman tveim ólíkum málum var dapurlegt að sjá. Ég vil hafna Icesave samningnum en svona má ekki vinna.

"Ef þið komið ekki til móts við okkur í þessu máli þá munum við ekki standa við okkar samkomulag og við munum reyna að eyðileggja fyrir ykkur í hinu málinu" sögðu þingmenn Borgaraflokksins.

Vinnubrögð eins og þessi er fyrir neðan allar hellur. Orð og samningar þessa fólks er hér eftir einskis virði. Það er ekki hægt að treysta fólki sem hagar sér með þessum hætti. Það er ekki hægt að gera við svona fólk samninga. Pólitískar skoðanir, pólitísk sannfæring, persónulegur metnaður, heiðarleiki og trúverðugleik, allt er þetta farið því allt er þetta falt. Bara nefna verðið og prútta.

Núverandi stjórnvöld eiga heiður skilið að hafa ekki látið þingmenn Borgaraflokksins stilla sér upp við vegg með þessum hætti.

Forystumenn ríkisstjórnarinnar eiga heiður skilið fyrir að hafa ekki freistast til að kaupa sér atkvæði þingmanna Borgaraflokksins og tryggja þar með ESB tillöguna en létu frekar skeika að sköpum í málinu

Forystumenn ríkisstjórnarinnar eiga heiður skilið að hafnað þessum hrossakaupum Borgaraflokksins og koma þar með í veg fyrir að Alþingi breyttist í stóðrétt og þingmenn í hrossaprangara.

Mynd: Keypt og seld hross á Löngufjörum

 

Samþykkt að senda inn umsókn

Athugasemdir

[Guðbjörn Guðbjörnsson, 16.7.2009 kl. 14:53]

Innilega til hamingju - skoðanabróðir!

Það er hreint út sagt skuggalegt hversu sammála við alltaf erum! 

[Þráinn Kristinsson (IP-tala skráð) 16.7.2009 kl. 14:59]

Þingmenn Borgarhreyfingar hafa ekki lesið síðari hluta ævisögu Þráins Bertelssonar þar sem lesa má setningu sem er eitthvað á þessa leið:  Eins og það er óendanlega auðvelt að hafa skoðanir á öllu mögulegu er óendanlega erfitt að standa við þær skoðanir.

[Sverrir (IP-tala skráð) 16.7.2009 kl. 15:08]

Góð ábending hjá þér og merkilegt ferli.

Svo ég bæti við þínar hugleiðingar þá finnst mér áhugavert við þetta ferli er að þingmenn séu meira að skoða persónulega sjónarmið og láta þau koma fram. Kannski er þetta einsog áður að menn fara alveg eftir flokkslínum og einhverjum "eftirá gerðum" viðmiðum af landsfundum en samt finnst mér áhugavert núna að heyra að menn hafa ólíkar skoðanir og hversu sjónarmið hvers þingmanns koma vel fram. Hér áður voru allir með sömu skoðun en nú er aðeins meiri dynamic í þessu. 

Reyndar er ég líka glaður hversu mikil "þjóðaratkvæðagreiðslu-flokkur" sjálfstæðismenn eru orðnir. Fyrir menn einsog mig sem vilja fleiri víddir í lýðræðið þá verður framhaldið bara áhugavert og vonandi að við fáum frumvarp í þessa átt frá sjálfstæðismönnum á næsta þingi. 

[Halldór Halldórsson, 16.7.2009 kl. 15:30]

Það kemur ekkert á óvart að helstu stuðningsmenn aðildar að ESB, hvar í flokki sem þeir standa,  gefa skít í það sem þjóðin segir í skoðanakönnunum.

[Friðrik Hansen Guðmundsson, 16.7.2009 kl. 16:47]

Ég var að hlusta á Þráinn Bertelsson í útvarpinu áðan. Þar kom fram að hann var ekki þátttakandi í þessu "blackmaili" hinna þriggja félaga sinna í Borgarahreyfingunni. Hann segist hafa kosið í samræmi við áður gefnar yfirlýsingar, samninga og sannfæringu.

[Andrés Rúnar Ingason, 16.7.2009 kl. 19:55]

Þeir þingmenn Borgarahreyfingarinnar sem greiddu atkvæði gegn yfirlýstri stefnu sinni og kusu með Sjálfstæðisflokknum til að hefna sín á ríkisstjórninni, eru búnir að fyrirgera öllu trausti til sín, varanlega. Ég skil vel að þeim hafi þótt flest meðul boðleg til að koma í veg fyrir Icesavesamningana. En þarna töpuðu þeir meiru en þeir áunnu. Þeir munu klárlega aldrei njóta nokkurs trausts meðal annarra þingmanna, hvar í flokki sem þeir standa. Svo misstu þeir líka mikið traust meðal almennings.

[Magnús Þór Jónsson, 16.7.2009 kl. 21:18]

Algerlega sammála þér Friðrik.

Og að sjá svo Birgittu Jónsdóttur í ræðustól, hundsvekkta með að plottið gekk ekki upp dró strik undir vitleysuna alla.  Hingað til hef ég hlustað á Þór Saari, en þetta útspil þeirra gerir þau fullkomlega marklaus.

[Anna Benkovic Mikaelsdóttir, 16.7.2009 kl. 23:30]

Þetta er gleðidagur (ekki fyrir BH þó og skil ekkert í því fólki?)

[Guðmundur St Ragnarsson, 17.7.2009 kl. 03:11]

Algjörlega ósammála Friðrik. Borgarahreyfingin er í þessu máli að reyna af veikum mættti að knýja ríkisstjórnina til ákvarðana landi og þjóð til heila í ICESAVE málinu. Hvað með það þótt 3 af 4 skipti um skoðun? Það mætti gerast oftar innan fjórflokkanna.

Það sem er merkilegast við málið er hins vegar 180 gráðu viðsnúningur formanns VG og nokkurra fylgisveina og að 2 þingmenn skuli leyfa sér að skila auðu í svona máli. Væntanlegir kjósendur VG vita þá bara næst að það er ekki hægt að treysta þeim í stórum málum sem smáum.

[Einar Björn Bjarnason, 17.7.2009 kl. 13:08]

LOL. brátt koma bóm í haga, ESB setur allar reglur um Evruaðild til hliðar og við fáum hana á mettíma, ESB samþykkir einnig að setja allar reglum um ERM II til hliðar og styðja strax áður en aðild er formlega gengin um garð krónuna. ESB, er svo áhugasamt um aðild Íslands, að þ.e. til í að 'bend over backwards' til að mæta öllum okkar óskum - varanlegar undanþágur frá sjávarútvegsstefnu ekkert mál.

Einhvern veginn, virðist sem Samfylking, sé alveg kominn út í buskann, í bullinu sem lekur, ROFL.

Staðreyndin er sú, að ekker af því að ofan mun gerast:

• engin stuðningur við krónu, fyrr en eftir að samningar eru um garð, hafa verið staðfestir af öllum aðildarþjóðum, og Íslandi líka - þá getum við sókt um aðild að ERM II - og einungis eftir að aðild að ERM II er formlega um garð gengin, fær krónan +/-15% vikmarka stuðning.
• Þ.e. heildar-skuldir ríkisins, eru 2,5 þjóðarframleiðsla, mun upptaka Evru taka 15-20 ár, cirka.
• menn gleyma því, hvað það þýðir, að Ísland er í EES, nefnilega það, að við erum þegar komin með þann hagnað, fyrir hagkerfið, sem aðild á að færa okku, að cstærstum hluta. Það eina stóra sem eftir er, er EVRAN. Fullyrðingar, um annann stóran hagnað, er kjaftæði.
• "The Commission of the European Union - Directorate General for Economic Affairs: : 1. Quarter Report 2009" . Samkvæmt þessari skýrslu, er áætlað að meðalhagvöxtur innan Evrusvæðisins, lækki niður í 0,7% af völdum kreppunnar, og verði á því reiki fyrsu ár eftir kreppu. 

  Potential Growth Stuctural unemployment Investment ratio as percentage of output

  2007  1,8%                   8,7%                                       8,7%

  2008  1,3%                  9,0%                                        9,0%

  2009  0,7%                 9,7%                                         9,7%

  2010  0,7%                10,2%                                        10,2%

Þeir telja að svokallað "lost decade" sé líklegasta útkoman, þ.e. lélegur hagvöxtur um nokkur ár, í kjölfar kreppu, þannig að kreppuárin + árin eftir kreppu, verði cirka áratugur. Þeir telja, að á endanum, muni þó hagkerfi Evrópu rétta úr sér, og ná eðilegum meðal-hagvexti. Þeir, setja þó fyrirvara við þá ályktun, að sú útkoma sé ekki örugg; þ.e.:

"Risks of a permanent downshift in potential growth should not be played down."

Hvers vegna, er ég að tönnslast á þessu? Ástæðan er sú, að væntingar um að umsóknarferli og síðan, aðild - muni redda okkur, eru fullkomlega óraunhæfar ef staðreyndir mála eru hafðar að leiðarljósi.

Höfum staðreyndir að leiðarljósi, þ.e. miðum ekki við ímyndaðar skýjaborgir.

Ég er ekki að segja, að aðild sé eitthver disaster, einungis að í því felst engin redding, engin afsláttur af þeirri vinnu úr erfiðleikum, sem við höfum frammi fyrir okkur.

Kv