Ákærum fyrir landráð

Óháð því hvað fæst upp í Icesave innlánsreikningana þá er raunveruleikinn sá að banki í einkaeign veðsetti Íslensku þjóðina fyrir þúsund milljarða. Það að banka í einkaeign skuli hafa verið heimilað af stjórnvöldum að veðsetja þjóðina fyrir þúsund milljarða á tveim árum er ekki hægt að kalla annað en landráð. Þeir menn sem "gambla" með þessum hætti með þjóð sína eru ekkert annað en landráðamenn.

Stjórnvöld og embættismenn segjast ekkert hafa geta gert vegna regluverks EES samningsins. Það er rangt. Þeir gátu víst gripið í taumana. Þeir gátu hækka bindiskyldu. Þeir gátu krafjist þess að bankinn greiddi háar fjárhæðir í tryggingasjóð. Þeir gátu gripið til lagasetningar þegar ábyrgðirnar voru orðnar það háar að það var ekki lengur forsvaranlegt að leggja slíkar ábyrgðir á þjóðina.

Falli þúsund milljarðar á okkur vegna Icesave þá mun það um ókomin ár rýra lífskjör okkar og komandi kynslóða að með síkum hætti að engu er til  að jafna nema ef vera skyldi Móðuharðindunum. Tjónið sem varð í Suðurlandsskjálftunum var ekki nema 6 milljarðar. Tjónið sem varð í Vestmannaeyjagosinu eru einnig smáaurar í samanburði við þessi ósköp.

Menn sem veðsetja þjóð sína fyrir slíkum fjárhæðum á tveim árum, með aðgerðum sínum eða aðgerðarleysi, eru ekkert annað en landráðamenn.

Í framhaldi af fyrri grein minni um sama mál hefur fólk verið að hafa samband og spurt hvort ekki eigi líka að ákæra fyrir eftirfarandi:

• Seðlabankinn lánar viðskiptabönkunum 300 milljarða á árinu 2008 án ábyrgða. Þetta fé er sagt tapað.
• Seðlabankinn ábyrgðist Jöklabréfa fyrir 500 milljarða. Við hrun bankana lenda þessi bréf á Seðlabanka Íslands og þar með þjóðinni.
• Seðlabankinn lánar Kaupþingi 80 milljarða 4 dögum áður en hann fer í þrot með veði í dönskum banka, FHI, sem í dag er metinn á 30 milljarða. 50 milljarðar eru að tapast á þessu stærsta láni Íslandssögunnar til eins aðila.
• Samtals eru þetta 850 milljarðar sem Seðlabanki Íslands hefur tapað á innan við einu ári og það tap er nú að lenda á þjóðinni. Seðlabankinn er sagður gjaldþrota.

Ætlast menn til að almenningur borgi þessa 850 milljarða skuld í Seðlabankanum og að enginn verði dreginn til ábyrgðar?

Aldrei hefur verið ákært á Íslandi fyrir landráð. Engin hefð er fyrir því hvernig það er gert. Hér væri verið að gera allt í fyrsta sinn. Eftir því sem mér er sagt þá er það bara dómsmálaráðherra sem getur ákært fyrir landráð.

Væri það ekki hið eðlilegasta mál að hópur borgara leggi fyrst fram slíka ákæru? Er ekki eðlilegt að slík ákæra kæmi fyrst fram vel rökstudd frá borgurum þessa lands og lögð fyrir dómsmálaráðherra. Með ákæruni myndu fylgja undirskriftir fjölda fólks. Þessum undirskriftum væri safnað á heimasíðu sem sérstaklega væri gerð vegna þessa máls.

Dómsmálaráðherra hefði þá um tvennt að velja:

• Ákæra á grundvelli þeirrar ákæru sem hópur borgara hefði lagt fram. Ráðuneytið mun þá greiða kostnað við málssóknina.
• Ákæra ekki og taka þann pólitíska slag sem þeirri ákvörðun fylgir.

Allir eru velkomnir í hóp að undirbúa slíka ákæru.

 

Aldrei of blönk til að hugsa

Athugasemdir

[Tómas Ibsen Halldórsson, 15.2.2009 kl. 16:13]

Með þeim hraða sem unnið er af ákæruvaldinu hér á landi, getum við gert ráð fyrir að ákært verði eftir ca. 250 til 300 ár.  Nú þá verðum við kannski nærri búin að borga lánin sem við verðum að taka svo að þessir gaurar geti lifað lúxus lífi.

Bestu kveðjur,

[Halldór Carlsson (IP-tala skráð) 15.2.2009 kl. 16:56]

það er engu að síður mjög freistandi hugmynd að sjá hvað málssóknin næði
langt, vegna þess að:

- 1) - það virðist jaðra við helgispjöll að nota orðið landráð, - jafnvel
þó að stór hluti Íslendinga sé sammála um að lánin og ábyrgðirnar sem þú
telur
upp hér að ofan, Friðrik, flokkist nú varla undir nokkuð annað en landráð
(hvort sem er af gáleysi eða ekki .. )

- 2) - málshöfðun sem þessi myndi að öllum líkindum vekja talsverða athygli
erlendis.

bara það gefur því tilgang að reyna. sama hvernig færi á endanum. - 3) -
hópmálssókn er réttlætismál yfirhöfuð, - verkfæri sem almenningi er gert
erfitt fyrir að nota, en er sérstaklega nauðsynlegt eftir undangengna
atburði.  af hverju býrðu ekki til hóp á Facebook til að kanna
undirtektirnar?ef áhugasamir þátttakendur birtast, geturðu svo vísað þeim
með tíð og tíma á vefsíðu sem er sérstaklega tileinkuð þessum
málaferlum. ég get lofað þér stuðningi og áhuga fjölmargra Íslendinga sem
kæra sig ekki lengurum útskýringar í formi orðagjálfurs og skrautyrða.það er búið að veðsetja mestöll verðmæti heillar þjóðar - að henni forspurðri. og enginn vill bera ábyrgð á því að það gerðist.
það er lykilatriðið.

[Friðrik Hansen Guðmundsson, 15.2.2009 kl. 18:49]

 Rétt er að benda á eftirfarandi lagaákvæði:

40. grein Stjórnarskrárinnar

Ekki má taka lán, er skulbindi ríkið, né selja eða með öðru móti láta af hendi neina af fasteignum landsins né afnotarétt þeirra nema samkvæmt lagaheimild.

86. gr. Hegningarlaga.

Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

[Jakobína Ingunn Ólafsdóttir, 15.2.2009 kl. 22:54]

Landráð og föðurlandssvik í boði Geirs og Ingibjargar takk.

[Friðrik Hansen Guðmundsson, 16.2.2009 kl. 01:27]

Umboð Fjármálaeftirlitsins og Seðlabanka Íslands til að heimila bönkunum að safna þessum innlánsreikningum og þar með að veðsetja Íslensku þjóðina um 20.887 evrur í hvert sinn og stofnaður var nýr Icesave reikningur hlýtur að hafa komið frá ráðherrum og ríkisstjórn. Forsætisráðherra, fjármálaráðherra og viðskiptaráðherra hljóta að hafa gefið Fjármálaeftirlitinu og Seðlabankanum og þar með bönkunum sitt samþykki með aðgerðum sínum eða aðgerðarleysi.

Ég spyr, höfðu þessir ráðherrar umboð til þess að veðsetja Íslensku þjóðina fyrir þúsund milljarða á tveim árum?

Ef svarið við þeirri spurningu er nei, ríkisstjórnin hafði ekki umboð til þess að veðsetja þjóðina fyrir þúsund milljarða á tveim árum þá vil ég að það fólk sem sat í ríkisstjórn og heimilaði með aðgerðum sínum eða aðgerðarleysi þessa veðsetningu verði ákært fyrir landráð.

[Heiður (IP-tala skráð) 16.2.2009 kl. 02:36]

Landráð sem Sjálfstæðisflokkurinn og Framsóknarflokkurinn frömdu amk.áttu stærstan hlut í.

Er til í að vera með og kæra  og það sem fyrst það er engu að tapa eða þá að koma sér hreinlega úr landi !

[Heiður (IP-tala skráð) 16.2.2009 kl. 02:49]

http://www.smugan.is/pistlar/adsendar-greinar/nr/616

góð grein sem er akkúrat um þessar vangaveltur afhverju Við ? 

[Finnur Bárðarson, 16.2.2009 kl. 11:58]

Þessir grein þín þarf að koma fram víðar og ég fagna því að þú stígir fram og notir rétt orð í réttu samhengi: LANDRÁÐ. Menn hafa verið að pukrast með þetta orð og reynt að skreyta það með orðinu GÁLEYSI. Landráð af gáleysi er ekki til. Mikilvæg grein Friðrik.

[EE elle (IP-tala skráð) 16.2.2009 kl. 13:57]

Já,´landráð af gáleysi´lítur e-ð bjagað út.

[Halldór Carlsson (IP-tala skráð) 16.2.2009 kl. 19:43]

um aths. 5 (Laissez-Faire):

ekki nokkur vafi að ein aðalástæða Samfylkingarinnar til að vilja ólm og uppvæg fá fram breytingar á stjórnarskránni, sé einmitt að ýta okkur í átt að Brussel-Bákninu.  

og þeir sem plata þjóð sem hefur veðsett allt sem hún á, til innlimunar í risastórt ríkjasamband (sem við vitum ekki í raun hvernig á eftir að þróast) á meðan þjóðin er enn ringluð eftir gjaldþrot, - þeir eru líka landráðamenn.

___ 

byrjaðu að safna nöfnum, Friðrik, fyrir málssókn. þú munt fá aðstoð.

ég var að skrifast á við fólk sem kom með þá uppástungu að halda sérstakan borgarafund bara um IMF-lánið og (hin földu?) skilyrði þar að baki.  

þetta væri líka hægt að gera:

halda sértakan borgarafund bara um hugmyndina hópákæra fyrir landráð.

fundirnir eru alltaf á mánudögum í Háskólabíói kl. 20.00.