Norskir ráðherrar komnir upp að vegg vegna Icesave?

Um leið og Norðmenn átta sig á því hvernig nauðasamningur þessi Icesave samningur er og þeim gerð grein fyrir framkomu Breta í málinu þá eðlilega blöskrar hinum venjulega Norðmanni. 

Í góðri grein í Dagsavisen í Noregi í rekur Øystein Noreng, prófessor við Viðskiptaháskólann BI tildrög þessa máls.

• Hann bendir á þá meðvituðu áhættu sem innistæðueigendur tóku þegar þeir lögðu fé sitt inn á hávaxtareikninga í erlendum banka í einkaeigu sem var ekki með neina ríkisábyrgð á bak við sig.
• Hann bendir á að það var einhliða ákvörðun Breta og Hollending að greiða þessum innistæðueigendum út þessar innistæður langt umfram það sem lög og reglur kveða á um.
• Hann bendir á að Bretar felldu Landsbankann og Kaupþing með því að setja á þá hryðjuverkalög og frysta þannig eignir þeirra inni í Bretlandi.
• Hann bendir á að Bretar settu einnig hryðjuverkalög á Seðlabanka Íslands og Íslensk ríkið og fyrstu þar með inni gull- og gjaldeyrisforða þjóðarinnar sem geymdur var í banka á Bretlandi.
• Hann bendir á að réttarstaðan í málinu er þannig að Bretar geti alls ekki verið vissir um að vinna málið fari það fyrir dóm.
• Hann bendir á að alþjóðlegar skuldbindingar Íslendinga í þessu máli liggja hreint ekki fyrir.

Frá því Eva Joly birti grein sína í norska Morgunblaðinu, sjá hér og íslenskan úrdrátt hér, þá er ljóst að Norðmenn eru að átta sig á því um hvað Icesave nauðasamningarnir snúast. Ef marka má viðbrögð þeirra Norðmanna sem skrifuðu athugasemdir við þessar greinar þá er ljóst að almenningsálitið í Noregi er að snúast hratt með okkur.

Um leið og almenningsálitið í Noregi snýst þá átta Norðmenn sig líka á því að hinir eiginlegu handrukkarar Breta og Hollending í þessu máli, þeir sem hafa þvingað ríkistjón Íslands til að gangast undir þessa nauðasamninga, það eru þeirra eigin ráðherrar vegna þess að þessir norsku ráðherrar vilja tengja lánafyrirgreislu Noregs við að Íslendingar skrifi undir þennan nauðasamning.

Nauðsamning sem felur það meðal annars í sér að bótagreiðslur Íslendinga per mann verða hærri en þær bótagreiðslur sem Þjóðverjum var gert að greiða per mann eftir tvær heimstyrjaldir. Auk þess sem Þjóðverjar fengu 90 ár en ekki 14 ár eins og við til að greiða þessar bætur. Þar fyrir utan fengu þjóðverjar lægri vexti. Sjá nánar hér.

Stæði Íslendingum í dag til boða Versalasamningur þjóðverja í stað þessa Icesave samnings þá teldumst við góðir.

Ég spyr, fari þetta mál fyrir alþjóðlegan dómstól, eru þá einhverjar líkur á því að slíkur dómstóll dæmdi okkur til að greiða hærri bætur per mann en Þjóðverjar voru dæmdir til að greiða per mann eftir tvær heimstyrjaldir?

Mynd: Göngustígurinn upp Esju á Vetrarsólstöðum.

 

Norðmönnum ber að aðstoða

Athugasemdir

[Haukur Sigurðsson, 17.1.2010 kl. 19:37]

"Um leið og almenningsálitið í Noregi snýst....."

Þó svo að við séum alveg á sama máli um þetta allt saman, þá get ég sagt þér eitt;  Hvorki almenningur né stjórnmálamenn í Noregi eru að missa mikinn svefn út af þessu.  Allur fréttaflutningur er rangur og fólk hérna er bara að spá í sín mál.  Og stjórnmálamenn hérna eru nú gagnrýndir svo mikið af innlendri pressu fyrir innlendar aðgerðir að ég held bara að þetta sé ekkert í fókus.  Því er nú verr og miður.  Ef að það á að fást lán frá Noregi, þá þarf íslenskur stjórnmálatoppur að taka einkafund eða fá áheyrn hjá norska þinginu og biðja auðmjúkt um það.  Þá fyrst kemur eitthvað svar.  Svo er annað mál hvort það verður já nei eða kannski. 

Það voru líka mörg hundruð manns sem rituðu athugasemdir við frétt af dómi, þar sem tvítugur strákur hafði verið sviptur ökuskírteininu sínu eftir að hafa haldið svö mörg partý að nágrannarnir voru að gefast upp.  Athugasemdirnar snerust að mestu um það að þetta væri stórhættuleg braut að feta, að beita fólk öðrum þvingunum en lögin gera ráð fyrir.  Skipti engu máli... héraðsdómur staðfesti sviptinguna.  Svo nennti enginn að blogga meira....  Ef að Íslendingar eru sagðir fljótir að gleyma, þá má segja að Norðmenn séu með Alzheimer.  

En enn er von.  Íslenska þjóðin fær allavega að segja hug sinn að einhverju leyti nú á næstunni.                                                                                         

[J.þ.A, (IP-tala skráð) 17.1.2010 kl. 20:38]

Íslendingar eru ekki með Alsheimer.  Þeir eru svo latir að þeir nenna ekki að bera hönd fyrir höfuð sér.  Af hverju eigum við engan einstakling eins og Evu Joly?  Sem er framúskarandi vel gefin og vel menntuð.   Við eigum enga konu eða karl með þessum eiginleikum. Gáfurnar og menntunarauðurinn sem framámenn þjóðarinnar hafa veriða að guma sér af eru ekki til á Íslandi. Með fáeinum undantekningum , og þær undatekningar eru löngu flúnar til útlanda. Háskólar hjá okkur framleiða bara lagatækna til þess að hjálpa til við spillingu í þessu landi sem búin er að viðhaldast síðan Ísland varð lýðveldi. Og hvernig íslendingar geta búið við þetta ár eftir ár,  án þess að hreinsa til á alþingi er ósköp skiljanlegt.   Þingmenn eru búnir að búa svo um hnútana að ekki er hægt að henda þessu liði út.  Þetta er pakk sem þarna situr sem ætti að sitja fyrir austan fjall, með girðingu í kring....

[Friðrik Hansen Guðmundsson, 17.1.2010 kl. 21:40]

Sæll Haukur

Þetta mál er af allt annarri stærðargráðu en það mál sem þú vitnar til og er því ekki sambærilegt. Þetta mál er þannig vaxið að miklar líkur eru á að Norðurlandaþjóðirnar missi "andlitið" á alþjóðavettvangi, þegar það rennur upp fyrir þjóðum heim hverskonar bolabrögðum þau eru að beita. Norðurlöndin eiga það á hættu að fá þann stimpil á sig á alþjóðavettvangi að hafa neitað að veita Íslendingum lán nema Íslendingar skrifuðu undir samning sem leggur meiri skuldir á þjóðina en Versalasamningarnir lögðu á Þjóðvera.

[Ingibjörg Guðrún Magnúsdóttir, 18.1.2010 kl. 01:17]

Sæll Friðrik og takk fyrir góða grein. Ég hlustaði einmitt á þennan þátt, og það var mikið til í þessu, eða allt til í þessu sem kom frá þessum Prófessor. Þetta er ólíðandi framkoma sem ríkistjórnin er að sína okkur þjóðinni.

[Sævar Einarsson, 18.1.2010 kl. 01:23]

Íslenskum skattborgurum ber enginn skylda til að borga tap annarra nema ríkisábyrgð sé á því, það er búið að segja það um víða veröld en samt þverskallast ríkisstjórnin við og vendir á einhver lögfræðiálit að okkur beri lagaleg skylda til að borga, mig langar að fá þau lögfræðiálit upp á boðið ekki seinna en strax. Svo skulda Bretar okkur 10 falt hærri skaðabætur en þetta Icesave bákn fyrir að beita okkur hryðjuverkalögum. Eftir að þjóðin segir nei í þjóðaratkvæðagreiðslu skal tafarlaust slíta öll stjórnmálatengsl við Breta og Hollendinga og fara með þetta mál fyrir dómsstóla, þessa ríkisstjórn skortir alveg kjark og það er ömurlegt að sjá hana taka upp og verja málstað Breta og Hollendinga.

[Gunnr (IP-tala skráð) 18.1.2010 kl. 01:43]

Þekki ákaflega vel til mála í Noregi og þetta mál er ekkert pólitískt hitamál hér. Steingrímur J hélt það fyrst en komst að öðru og breytti um skoðun og umpólaðist.

Klárlega er þetta óskyljanlegt og illskyljanlegt flestu fólki enda er þetta lítið kynnt fyrir fólki og fáir/engir setja sig inn í þetta.

[Snæbjørn Bjornsson Birnir (IP-tala skráð) 18.1.2010 kl. 03:42]

Hvað ertu að rugla. Þó að Bretar hafi greitt eitthvað meira, en tilskilið var, þá er reikningur Íslendinga samkvæmt reglum í ESB og íslenskum lögum. Þurfið þið íhaldsmenn alltaf að ljúga um sannleikann og skrifa söguna uppá nýtt...!! Það er meira ruglið, sem þú spýrð út...!! Það voru ykkar menn, sem komu þjóðinni í þetta vesen..!!

[Sævar Einarsson, 18.1.2010 kl. 05:01]

Eru öll ljós kveikt og enginn heima Snæbjørn Bjornsson Birnir ? ertu svona andskoti illa gefinn að SKILJA ÞAÐ EKKI AÐ:  Bretar felldu Landsbankann og Kaupþing með því að setja á þá hryðjuverkalög og frysta þannig eignir OKKAR inni í Bretlandi, að ákvörðun Breta og Hollending að greiða þessum innistæðueigendum út þessar innistæður langt umfram það sem lög og reglur kveða á um samkvæmt EU(ESB), að Bretar settu einnig hryðjuverkalög á Seðlabanka Íslands og Íslensk ríkið og frystu þar með inni gull- og gjaldeyrisforða þjóðarinnar sem geymdur var í banka á Bretlandi ! fleiri tugir lögfræðinga, hagfræðinga og stjórnmalálamanna hafa sagt að Breska ríkisstjórnin hafi ekki hafy NEINA heimild til að greiða fjármagnseigendum í Icesave tapið að fullu án þess að ráðfæra sig við okkur fyrst og sendu okkur svo reikninginn fyrir sitt klúður ! Þetta var atkvæðasmölun hjá Gordon Brown og 85% af Breskum almenning hugsa honum þegjandi þörfina og taka upp málstað okkar, troddu því nú inn í hausinn á þér, hættu að hugsa um liðna tíð og farðu að lifa í NÚINU

[Jón Steinar Ragnarsson, 18.1.2010 kl. 05:56]

Vert að nefna í tilfelli þjóðverja, þá var þeim hjálpað á lappirnar aftur af alþjóðasamfélaginu og það án endurgjalds. Þeir högnðust því heldur en hitt, ef svo má að orði komast. Rökin með okkur í málinu liggja ljós fyrir, en vandinn er að sumir vilja ekki sjá þau af því að hér á að keyra í gegn fordæmi, sem verður skaði fyrir alla borgara hins vestræna heims. Fordæmi um að bankar þurfi aldrei hér eftir að bera ábyrgð gjörða sinna. Fordæmi um að hægt verði að krefjast ábyrgðar fólks eftirá, þótt engin lög bjóði svo. Þetta er þvílíkur súrrealismi að maður á ekki orð að sjá fólk eins og Snæbjrön þennan hér að ofan heimta að fá að borga þetta af því að hann telji þetta snúast um flokkslínulegan sandkassaleik og hagræðir staðreyndum í ofanálag til þess að reyna að fá að borga.  Svona fólk er ástæðan fyrir að við komumst ekki út úr moldarkofunum fyrr en um 1940.

[Sævar Einarsson, 18.1.2010 kl. 06:45]

Jón nákvæmlega ! og skoðum aðeins það sem þessi Snæbjørn talar í hring, hann segir "Þó að Bretar hafi greitt eitthvað meira, en tilskilið var" og í sömu línu segir hann "þá er reikningur Íslendinga samkvæmt reglum í ESB og íslenskum lögum" sérðu hvað maðurinn er veruleikafirrtur ? Bretar höfðu ekkert leyfi að greiða 1 pund til fjármagnseigenda fyrir en búið var að ræða við Íslensk stjórnvöld, þetta er svona svipað og ég rétti einhverjum óútfyllta ávísun með undirskrift Íslenska ríkisins og segði "hérna, settu hvaða upphæð sem er á þessa ávísun, Íslenska ríkið fær að borga"  Snæbjørn talar með rassgatinu og rekur við með kjaftinum.

[Jón Valur Jensson, 18.1.2010 kl. 10:53]

Fín grein hjá þér, Friðrik, og þetta er allt í áttina, þökk sé forsetanum og Evu Joly – ég hef trú á því, að skrif hennar í Morgenbladet hafi sívaxandi áhrif meðal almennings í Noregi, svo að ráðamenn þar komist ekki upp með að svíkja okkur Íslendinga í tryggðum með meðvirkni við AGS og Evrópubandalags-samfélagið, sem svo illa hefur reynzt okkur í þessu máli. En hér þurfa allir að leggjast á eitt, og ég leyfi mér að endurtaka þessi orð af vef mínum:

>b>Góðir lesendur, þið sem talið og skrifið norsku, dönsku og sænsku, nú er komið að ykkur að gera eitthvað í málinu! Skrifið vinum, hringið, skrifið á vefsíður og í blöð, hjálpið til að opna augu frændþjóða okkar fyrir því grimmilega ofbeldi sem tvær ríkisstjórnir og bandamenn þeirra hafa reynt að beita okkur þvert gegn öllum lögum. Margt smátt gerir eitt stórt, hjálpið til að koma af stað snjóbolta sem síðan veltur niður brekkuna, stækkar sífellt og veltir um koll allri mótstöðu.

[Friðrik Hansen Guðmundsson, 18.1.2010 kl. 11:41]

Sæll Jón

Þetta eru góð tilmæli og vonandi að sem flestir verið við þeim.

Nú þarf að fræða og upplýsa almenning á hinum Norðurlöndunum og í Bretlandi og Hollandi.

[Sævar Einarsson, 18.1.2010 kl. 12:38]

Mig langar að koma skilaboðum til JVJ
sæll Jón, vonandi getur þú fyrirgefið mér, ég hef talað niður til þín á sumum bloggum en ekki í langan tíma enda lærir sá er lifir, við erum með misjafnar skoðanir og er það gott að ég tel, vont væri ef allir væru sammála um allt og ég hef lesið þína pistla um Icesve og oft langað að þakka fyrir góða pistla en get það ekki, okkur lenti einhvertímann saman og ef þig langar að vita hvað ég heiti þá get ég alveg sagt þér það í tölvupósti.

[Ómar Bjarki Kristjánsson, 18.1.2010 kl. 13:24]

"Bretar höfðu ekkert leyfi að greiða 1 pund til fjármagnseigenda fyrir en búið var að ræða við Íslensk stjórnvöld"

Ju.  Bretar voru að sjálfsöðu í fullum rétti að vernda sína innstæðueigengur þegar ísland brást skyldu sinni.  Fullum rétti.

Það sem einfaldlega gerist (og að sjálfsöðu er bretar með allar laga og reglugerðir á hreinu því viðvíkjandi. Að sjálfsögðu)  er að breí tryggingarsjóðurinn og breska ríkið yfirtaka kröfur innstæðueigenda á hendur íslandi varðandi skuldbindingu þá er það átti að kövera samkvæmt laga og regluverki er það hefur innleitt.  Ekki flóknara en það.

[Sævar Einarsson, 18.1.2010 kl. 13:44]

Ómar, þetta var útibú Landsbankans og Breska ríkisstjórnin bar enga skyldu til að borga þetta, enginn Bresk ríkisábyrgð var á þessu, hvað þá Íslensk ríkisábyrgð, það var fyrst og fremst ákvörðun Breskra stjórnvalda til að skapa sér vinsældir með því að borga þetta út, gott og vel, ég er þeim þakklátur fyrir sína góðsemi en þeir geta átt það við sig sjálfa hver eigi að borga brúsann, svo mikið er víst að það er ekki íslensku almenningur. Bretar neituðu að borga fjármagnseigendum á Mön, Guernsey og Jersey allt sem þeir töpuðu í Breskum bönkum og ástæðan var að þeir borguðu ekki skatta til Breska ríkisins ... borgum við skatta þangað ? já og hvert fór fjármagnstekjuskatturinn af Icesave ... hmmmmmmmmm

[Magnús Helgi Björgvinsson, 18.1.2010 kl. 15:01]

Bretar gátu nú vísað í samkomulag sem við gerðum við Hollendnga 8 október um að að þeir lánuðu okkur fyrir innistæðutryggingum og sæu um að greiða þær. Um það varð samkomulag við þá þann 8. október. Sbr.

Samkomulag milli Hollands og Íslands um IceSave

11.10.2008

Að loknum uppbyggilegum viðræðum hafa hollensk og íslensk stjórnvöld náð samkomulagi um lausn mála hollenskra eigenda innstæðna á IceSave-reikningum Landsbankans.

Fjármálaráðherra Hollands, Wouter J. Bos, og fjármálaráðherra Íslands, Árni M. Mathiesen, tilkynntu þetta.

Ráðherrarnir fagna því að lausn hafi fundist á málinu. Wouter J. Bos kvaðst einkum ánægður með að staða hollenskra innstæðueigenda væri nú skýr. Árni M. Mathiesen bætti við að aðalatriðið væri að málið væri nú leyst.

Samkomulagið kveður á um að íslenska ríkið muni bæta hverjum og einum hollenskum innstæðueiganda innstæður að hámarksfjárhæð 20.887 evrur. Hollenska ríkisstjórnin mun veita Íslandi lán til að standa undir þessum greiðslum og hollenski seðlabankinn mun annast afgreiðslu krafna innstæðueigendanna.

Þetta fer nú ekkert á milli mála. Og á þessu samkomulagi hófust endurgreiðslur Icesave. Finnst röksemdarfærsla fólk fyrir þessu máli vera komin í furðulegan gír. Álit nokkura lögfræðinga og hagfræðinga eru allt í einu orðin óhagganleg rök. Þó virtar lögfræðiskrifstofur hafi unnið með lögfræðingum og sérfræðingum ráðuneytana að þessu máli í nærri eitt ár. Og að allar aðrar þjóðir Evrópu/heimsins telji að við eigum að greða þetta Icesave.

Reykjavík 11. október 2008

 

[Sævar Einarsson, 18.1.2010 kl. 15:08]

Ég hélt að samkvæmt lögum væri engum ráðherra heimilt að skrifa undir samkomulagsskuldaviðurkenningar sem skuldsetja íslenskan almenning án þess að það sé afgreitt sem lög frá þingi.

[Sævar Einarsson, 18.1.2010 kl. 15:09]

Skjóta fyrst og spyrja svo ?

[Sævar Einarsson, 18.1.2010 kl. 15:40]

"Og að allar aðrar þjóðir Evrópu/heimsins telji að við eigum að greiða þetta Icesave." hefur þú ekki verið í netsambandi síðan 7 janúar ?  bara sem dæmi þá sögðu 85% af breskum þegnum að við ættum ekki að borga þetta ... hin 15% er væntanlega stuðningsfólk James Gordon Brown aka Gordon Brown og ég tala nú ekki um hin löndin sem segja að okkur beri enginn skylda að borga þetta, ég nenni ekki að týna það til núna en Lára Hanna Einarsdóttir, Jón Valur Jensson, Loftur Altice Þorsteinsson og margir fleiri eru með fullt af hlekkjum á þær síður.

[Jón Valur Jensson, 18.1.2010 kl. 15:45]

Sævar, ég opna fyrir þér, tek jafnvel við þér sem bloggvini p.t. í dag, og þú sendir mér nafnið þitt í bloggbréfi (bloggvinabréfi). Gangi þér vel í landsvörninni, meðan aðrir eru fjarstaddir!

[Benedikta E, 18.1.2010 kl. 16:15]

Allt er þetta gott og gagnlegt að ræða sem fram kemur hjá ykkur gott fólk - en enginn nefnir okkar höfuð vandamál - "ríkisstjórn" Jóhönnu og Steingríms - hvað með þau............Ekki viljum við bergja af "eitruðum bikar" Steingríms - né heldur láta hans málflutning óátalinn..............!

[Finnur Bárðarson, 18.1.2010 kl. 18:06]

Skárra að vera upp við vegg og hafa það bísna gott en að vera botnfrosinn í svartholi eilífðarinnar

[Ómar Bjarki Kristjánsson, 18.1.2010 kl. 19:04]

Sævarinn, ertu að segja að ekkert hefði átt að borga brekum innstæðueigendum ? 

Að Darling hefði átt að segja við breta:  Sorrí, en þið verðið bara að droppa upp til Rekkjavikk og athuga hvort þið fáið einhvern aur ? 

Hvernig heldurðu að ástandið hefði orðið og hvernig heldurðu að orðspor ísland hefði komið út ?

Nei, við íslendingar eigum að þakka B&H fyrir að hlaupa svona undir bagga með okkur.  Það var óvænt vinarbragð af hálfu Breta og ber að þakka það sérstaklega.

Auk þess báru bresk stjórnvöld enga ábyrgð á innstæðum á Mön og Gurnsey.

Það voru íslenskir aðilar  sem báru alla ábyrgð þar.  Stjórnvöld á eyjunum bættu eitthvað en slóð Íslands er svo sannarlega ljót þar.

[Sævar Einarsson, 18.1.2010 kl. 20:47]

Ómar, já ég er að því, þetta var útibú frá einkareknum banka með nákvæmlega enga ríkisábyrgð, bara ábyrgð frá tryggingarsjóði fjármagnseigenda sem tæmdist og maður tryggir ekki efir á. Það vissu þeir sem lögðu peninga þarna inn, bresk stjórnvöld voru búin að vara fjármagnseigendur við þessu, á þau var ekki hlustað. Maður spilar ekki póker með ríkisábyrgð og þeir tóku þessa áhættu og eiga því að bíta í það súra, ekki íslenskur almenningur. Ef það hefði verið ríkisábyrgð á þessu þá væri Icesave ekkert vandamál, en hún var aldrei til staðar. Því er verið að þrasa um borðleggjandi hlut ? tryggingarsjóður fjármagnseigenda var aldrei með ríkisábyrgð.

[Sævar Einarsson, 18.1.2010 kl. 20:54]

"Það var óvænt vinarbragð af hálfu Breta og ber að þakka það sérstaklega." þarna ertu algerlega á villigötum, Breska ríkið tók upp á sitt einsdæmi að greiða Icesave sem því bar enginn lagaleg skylda til, því heldur þú að þeir hafi viljað fá útibúastarfsemi Landsbankans aðskilda frá Íslandi og það rekið undir Breskri lögsögu ? jú til að geta veitt því ríkisábyrgð. Þeir eiga bestu þakkir fyrir sitt klúður, better luck next time.

[Sævar Einarsson, 18.1.2010 kl. 21:34]

Og Mön, Jersey og Guernsey áttu peninga inná Breskum bönkum í Bretlandi sem voru með Breska ríkisábyrgð og fengu Breskir fjármagnseigendur greitt það tap sem þeir urðu fyrir upp að ákveðnu marki eins og reglur gera ráð fyrir en þar sem Mön, Jersey og Guernsey borguðu ekki fjármagnstekjuskatt til Breska ríkisins sagði Breska ríkið við fjármagnseigendur á Mön, Jersey og Guernsey að þeir fengju ekki tapið greitt.

[Finnur Bárðarson, 18.1.2010 kl. 22:29]

Jón Valur: Ekki gleyma Jóni Sigurðssyni. Tekurðu við bloggvinum ??

[Ómar Bjarki Kristjánsson, 18.1.2010 kl. 23:02]

"...og fengu Breskir fjármagnseigendur greitt það tap sem þeir urðu fyrir upp að ákveðnu marki eins og reglur gera ráð fyrir..."

Nei.  Þar liggur nú hundurinn grafinn.  Að í Direktífi 94/19 er gefin heimild fyrir að undanskilja svokölluð heildsöluinnlán (e. wholesale deposits) og undir það féllu sem dæmi innstæður KSFIOM sem þeir áttu inná KSFUK. 

Fjöldi fyrirtækja og sveitarfélaga í bretlandi lentu úti kuldanum vegna þess að Bretar notuðu þessa heimild í Direktífinu til að undanskilja viss innlán og tryggðu aðeins almenn innlán (e. retail deposits) e td. Ísland gerði það ekki í sinni útfærslu og þar eru allir reikningar tyggðir lögum samkvæmt.

Þannig að, Bretar mismunuðu ekki neinum,  Það er íslensk þjóðsaga sem er bara það: Þjóðsaga.

Í Lánasamningum sleppa Bretar íslendingum td. við að ábyrgjast bresk heildsölulán (sem þeir hfðu átt að gera samkvæmt íslensku útfærslunni á Direktífinu) En umræddar innstæður eru samt jafnstæðar forgangskröfur öðrum innstæðum og eiga þ.a.l.  kröfur í eignir LB.

Maður tekur eftir því, að í breska álitinu sem kom fyrir Gerðadóm (þar sem niðurstaðan var einróma og ótvíræð:  Ísland skaðabótaskylt samkv. laga regluverkinu.  Sjallar fyrir hönd Íslands treystu sér eigi til að taka til varnar fyrir Ísland.  Svo ljótt tölu þeir málið vera)  þá taka Bretanir náttúrulega strax eftir þessu, þ.e. að í Íslensku útfærslunni á Direktífinu eru innlán fyrirækja og sveitarfélaga og fleira,  ekki undanskilin.  Samkv. jafnræðisreglunni ætti Ísland að ábyrgjast þetta líka - og jafnframt sennilega alla reikninga uppí topp !

[Jón Valur Jensson, 19.1.2010 kl. 03:03]

Hvað áttu við, Finnur minn? Ég skil ekkert hvað þú ert að fara.

Ómar, þú átt að vita, að í Morgunblaðinu 13. janúar 2010 birtu Lárus L. Blöndal hrl. og prófessor Stefán Már Stefánsson, sérfræðingur í Evrópurétti, greinina Um mismunun á grundvelli þjóðernis (sem var önnur grein af fjórum, sem birtust þá í vikunni eftir þá um Icesave-málið; síðasta greinin hafði Sigurð Líndal sem meðhöfund). Þessi er niðurstaða þeirra að undangenginni ýtarlegri athugun í greininni:

"Af framangreindu má vera ljóst að þau sjónarmið, sem fram hafa komið, um að „mismunun“ íslenskra stjórnvalda gagnvart eigendum innistæðna í útibúum íslensku bankanna erlendis hafi skapað greiðsluskyldu, fá ekki staðist. Gildir þetta hvort sem horft er til neyðarlaganna, stjórnvaldsákvarðana í tengslum við endurreisn bankakerfisins eða yfirlýsingar ráðherra um ríkisábyrgð á innistæðum."

Meira efni færðu, ef þú biður um!

[Jón Valur Jensson, 19.1.2010 kl. 03:12]

Svo má spyrja þig, ef þú telur þér nauðsynlegt að ákalla jafnræðisrreglur EES: Viltu þá ekki gerast baráttumaður fyrir því, að við fáum þá ekki síður að njóta jafnrar meðhödnlunar um vextina og að þeir verði aldrei hærri en 1,5% (í stað 5,5%), ef þjóðin verður neydd til að fara að borga þessa reikninga Landsbankans? – sbr. þessar greinar:

1) Enn um Icesave-vexti: Í yfirgangi sínum brjóta Bretar lög um jafnræði í EES: snuða okkur um (185 til) 270 milljarða fyrstu sjö árin!

2) Það skeikar hundruðum milljarða í Icesave-vaxtaútreikningum fjármálaráðherrans!

[Sævar Einarsson, 19.1.2010 kl. 17:08]

Hundurinn liggur maðkétinn hjá VG og Samfó og hvergi annarstaðar. Ríkisstjórnin setur skottið á milli lappana og berst fyrir málstað Breta og Hollendinga og tekur upp þeirra málstað gegn sínum þegnum bara vegna þess að Djóka sér ekkert nema ESB ... og í mínum kokkabókum (og eru þær ekki frá Jóa Fel) flokkast það undir landráð að snúast gegn landi og þjóð. "Þannig að, Bretar mismunuðu ekki neinum,  Það er íslensk þjóðsaga sem er bara það: Þjóðsaga." nær væri að segja að það væri VG og Samfó álfasaga enda eru þessir flokkar eins og álfar útí hól.