Skoðum sölu á rafmagni um sæstreng til Bretlands af fyllstu alvöru.

Norðmenn undirbúa enn frekari sölu á rafmagni um sæstrengi til Evrópu, m.a. til Bretlands. Norðmenn stefna að því að eftir aldarfjórðung verði gjaldeyristekjur af rafmagnssölu meiri en tekjur af olíuvinnslu.

Landsvirkjun vinnur nú að hagkvæmisathugun á lagningu sæstrengs frá Íslandi til Skotlands. Með sölu á rafmagni um sæstreng má auka verulega þann arð við fáum af orkuauðlindum okkar.  Að selja rafmagn frá Íslandi um sæstreng er eitt af þeim verkefnum sem ber að skoða af fyllstu alvöru.

Athugasemdir

[Óskar Helgi Helgason (IP-tala skráð) 25.3.2013 kl. 11:23]

Sæll; sem oftar, Friðrik Hansen - og aðrir gestir, þínir !

KEMUR EKKI TIL GREINA; Friðrik minn - séu allt að 30 - 40%, eða því meiri hækkanir í farvatninu á raforku, til heimila landsins, sem og minni fyrirtæki.

Sízt af öllu; bjóst ég við því af þér, að þú stykkir á græðgis- og mont vagn Harðar Arnarsonar stjóra hjá Landsvirkjun Friðrik, en lengi skal víst manninn reyna, svo sem.

Hörður Arnarson; er grímulaus frjálshyggju Kapítalisti, sem er lítið geðugra, en Kommúnistarnir og vinnubrögð þeirra ýmis, úti á vinstri síðunni, síðuhafi góður.

Með beztu kveðjum; úr Árnesþingi /

[Friðrik Hansen Guðmundsson, 25.3.2013 kl. 12:18]

Heill og sæll Óskar.

Var einmitt að bíða eftir að fá þessar réttmætu athugasemdir þínar því þetta þarf að ræða.

Landsvirkjun gerir ráð fyrir að raforkuverð til almennra notenda hækki um allt að 30% verði lagður sæstrengur til Bretlands. Þeir hafa sýnt útreikninga þar sem þetta mun þýða fyrir meðal íbúð hækkun um kr. 20.000 til 30.000 á ári. (Ath helmingur af raforkuverðinu er greiðsla til dreifikerfisins og það gjald mun ekki hækka).

Landsvirkjun hefur bent á að það er ekki eitt af markmiðum með lagningu sæstrengs að hækka verð til almennra notenda á Íslandi. Þvert á móti hefur Landsvirkjun bent á leiðir sem hægt er að fara til þess að ekki þurfi að koma til hækkunar á raforku til almennra notenda, þar á meðal að lækka virðisaukaskatt á raforku. Norðmenn hafa t.d. farið þessa leið. Má nefna að í Finnmörku nyrst í Noregi þar er engin virðisaukaskattur á raforku.

Verði það talið hagkvæmt að leggja sæstreng frá Íslandi þá viljum við í Lýðræðisvaktinni stuðla að því að það verði gert. Jafnframt viljum við grípa til mótvægisaðgerða til að koma í veg fyrir að rafmagnskostnaður almennra notenda hækki. Það viljum vð gera með því lækka virðisaukaskatt af rafmagni niður í 7% og jafnvel fella alveg niður í ákveðnum greinum / svæðum. Fleira væri hægt að gera, t.d. lækka virðisaukaskatt af LED perum og spanhellum niður í 7%. Með LED perum næst hátt í 90% sparnaður í orkunotkun og ending þeirra við eðlilega notkun er hátt í 20 ár. Með því að einstaklingar og fyrirtæki endurnýju allar ljósaperur og breyti yfir í LED perur þá gerir það miklu meira en slá á þessa 30% hækkun á raforkuverði.

Gerum okkur grein fyrir því að uppsett afl á Íslandi er um 2.500 MW. Væntanlegur sæstrengur yrði um 750 MW. Þar af er til í kerfinu í dag sem ónýtt varaafl um 300 MW, varaafl sem þarf ekki að vera til staðar ef við höfum sæstreng og getum keypt til baka rafmagn ef á þarf að halda.

Og þurfum við ekki á því að halda að nýta öll okkar tækifæri sem við höfum til tekjuöflunar?

Fátt yrði meiri lyftistöng fyrir minn geira, bygginga- og verktakaiðnaðinn, og ef tekin yrði ákvörðun að ráðast í lagningu á slíkum sæstreng. Í Rammaáætlun eru virkjanir sem sátt er um að fara í. Ákvörðun um að leggja slíkan sæstreng myndi á næstu árum kalla aftur heim hluta af þeim þúsunda íslenskra byggingamanna sem nú vinna sem farandverkamenn í löndum Evrópu. Og er það ekki líka einhvers virði að fá þessa menn og þeirra þekkingu aftur inn í landið?

[Óskar Helgi Helgason (IP-tala skráð) 25.3.2013 kl. 12:29]

Heill á ný; síðuhafi knái !

Þér að segja; sem og öðrum líka, þarf að keyra niður íslenzkt hagkerfi - og allt það bákn, sem um það snýst, niður um 40 - 60%, að minnsta kosti, sé miðað við íbúafjölda landsins, sem og raunverulega framleiðslugetu í okkar samtíma, Friðrik minn.

Löngu tímabært; að Íslendingar hætti að láta, sem íbúafjöldinn sé um 3 - 4 Milljónir manna, í stað þeirra;; innan við Þrjú Hundruð Þúsunda, eins og staðan er, í dag.

Skynsamleg hófsemi; og nauðsyn þess, að skilja eftir einhverja hluti, til ráðstöfunar fyrir komandi kynslóðir, eru með brýnni málum, í dag.

Ekki síðri kveðjur; hinum fyrri /

[Friðrik Hansen Guðmundsson, 25.3.2013 kl. 13:08]

Jú, en við viljum einmitt hugsa stórt í Lýðræðisvaktinni.

Sérð þú ekki hvernig við samstöfum flokkinn: EXTRA LARGE,  XL.

Stærsta málið á Íslandi í dag eru efnahags- og atvinnumálin. Og þar viljum við hugsa stórt. Á næstu árum þurfa að verða til a.m.k 20.000 ný störf.

Verði þessi nýju störf ekki búin til þá mun 20.000 flytja til hinna Norðurlandanna og þá sérstaklega til Noregs þar sem vantar mikið af fólki í öllum greinum.

Og ég ætla ekki að taka þátt í því með þér Óskar að skera niður íslenskt hagkerfi um 40 - 60% og breyta Íslandi í gamalmennanýlendu.

[Axel (IP-tala skráð) 26.3.2013 kl. 05:56]

Vissulega er það rétt að það myndi skapast vinna við að leggja kapalinn og að öllum líkindum einhver störf í kringum viðhald á honum en væri ekki einfaldara að nota þessa orku í fyrirtæki í þessu landi sem öll borga skatta með starfsmenn sem borga skatta og hafa afleidd störf sem borga skatt? 

Það eru mörg vandmál sem á en eftir að finna útúr við LED perur, þau munu leysast, en það verður að fara varlega í að segja að þau séu flott lausn sem mér finnst þú vera segja. 

[Gunnar Heiðarsson, 26.3.2013 kl. 09:27]

Það hefur aldrei þótt skynsamlegt að selja nythæstu mjólkurkúnna úr fjósinu, Friðrik.

Sem betur fer þurfum við þó ekki að óttast þessa draumsýn þína um allra næstu framtíð, þar sem tæknin er ekki enn komin á þann veg að hægt sé að leggja ljóshund á það dýpi sem er í hafinu milli meginlandsins og okkar ástkæri eyju, auk þess sem enn hefur ekki fundist ljóshundur sem getur flutt rafmagn svo langa leið án óásættanlegs orkutaps.

Það er vonandi að þegar sá tími kemur að tæknin leyfir þessa hugmynd, svo vit sé í, að ráðamenn þjóðarinn verði búnir að reikna dæmið til enda. Að draumóramennirnir verði vaknaðir af sínum draumsvefni.

Þá er ekki ónýtt að líta örlítið til Noregs í þessu sambandi, sem þú reyndar gerir. Þú horfir þó á þá hluti sem henntar, lokar augunum fyrir þeirri staðreynd að vegna þess ljóshunds sem lagður var frá því ágæta landi til meginlands Evrópu, hefur raforkuverð hækkað meira en mörg fyrirtæki þola og þau lagt upp laupanna. Stóriðjan er þar á miklu undanhaldi vegna hærra raforkuverðs.Sá iðnaður, sem var umáratugaskeið stollt Norðmanna, er nú að flytjast til Kína og annara landa þar austurfrá. Orkan sem þessi fyrirtæki versla þar er framleidd í kolaorkuverum, með tilheyrandi aukinni mengun fyrir jarðkúluna okkar. 

Það getur verið að þið hjá Lýðræðisvaktinn sjá bara gott við það að stóriðjan flýji landið okkar og sjálfsagt margur ykkur sammála um það. En þeim tugþúsunda manna sem eiga sína lífsafkomu undir þessum fyrirtækjum og þjónustu við þau, rennur sennilega kallt vatn milli skinns og hörunds, við þessa umræðu.

Það getur verið að Lýðræðisvaktinni hugnist betur að framleiða rafmagn til nota utan landsteinanna, hugnist frekar að virkja fyrir Breta en Íslendinga. Það er deginum ljósara að eftir að slíkur ljóshundur hefur verið lagður frá landinu og við orðin háð tekjunum af sölu raforku um hann, mun verð orkunnar ekki verða ákveðið hér á landi, heldur við hinn enda strengsins. Viðtakandinn mun þá hafa þjóðina í hendi sér og getur kreppt að ef við erum ekki nægjanlega leiðitöm. Þetta vald viðtakandans mun einnig ráða því hvort við verndum okkar náttúru, eða virkjum hér hvern læk og hven hver.

Virðisaukann af orkuframleiðslu eigum við að nýta hér á landi, þjóðinni til hagsbóta, ekki færa hann öðrum þjóðum. Við eigum að halda nythæstu mjólkurkúnni okkar áfram í fjósinu.

[Friðrik Hansen Guðmundsson, 26.3.2013 kl. 10:30]

Sæll Axel

Málið er að við erum að selja orkuna hér innanlands á svo lágu verði. Í dag þá erum við að selja þessar okruauðlindir inn á markaði sem eru að greiða lægsta verð fyrir þessar auðlindir. En þetta er ekki bara þannig hér, svona er þetta um allan heim. Málmbræðslan er að greiða lægsta verðið í heimi fyrir raforku.

Það er samt engin að tala um það að það eigi að hætta að selja raforku til þess orkufreka iðnaðar sem hér er og áform eru um að koma hér upp.

Menn eru að tala um það að bæta sæstrengnum við. Hann yrði viðbót við það sem þegar er fyrir og fyrirhugað er. Þannig hefur Landsvirkjun ítrekað bent á að rekstur á slíkum streng hentaði mjög vel samhliða þeirri raforkusölu sem nú er í gangi.

Hvað varðar LED perurnar þá erum við Íslendingar á eftir í þeirri þróun. Mjög takmarkað úrval er ennþá á slíkum perum hér heima. Það er reyndar sérverslun með slíkar perur í Kópavoginum. Slíkar perur eru seldar í matvöruverslunum með öðrum perum víða í löndum Evrópu og notkun þeirra fer hratt vaxand. Bílaiðnaðurinn skipti fyrir nokkrum árum yfir í LED. Það liggur fyrir að öll götulýsing verður á næstu 10 árum endurnýjuð með LED perum. Öll nýjustu jarðgöng í Noregi eru lýst uppp með LED ljósum og svo má áfram telja. Sjálfur hef ég skipt út all frestum perum hjá mér yfir í LED og ég skil ekki hvaða vandamál þú ert að tala um sem tengjast þessum perum. Þvert á móti eru þessar perur frábærar. Þú getur valið um hvernig birtu þú vilt. Endingin er frá 15.000 tímar (Osram) til 20.000/30.000/40.000/50.000 tímar eftir framleiðendum og perum. Ljós fyrir heimili eru gjarnan frá 15.000 tímum upp í 20.0000. Þetta samsvarar í venjulegri notkun 10 ára til 20 ára endingu.

Ég var að skipta úr perum í vinnuljósi hjá mér í eldhúsinu. Þar var fyrir 60W pera og þrjár kastara perur, hver 50W. Í alt eyddi þetta ljós 210W þegar það var kveikt á því sem var ansi oft. Ég skipti 60W perunni úr fyrir 10W LED peru og 50W kastara perunum úr fyrir 7W LED perur. Með þessari breytingu þá eyðir þetta ljós nú 31W í stað 210W áður. Birtan er þar að auki meiri og betri. Og það besta er að ég vona að þurfa ekki að skipta um perur í þessu ljósi næstu 10 árin að minnsta kosti.

[Friðrik Hansen Guðmundsson, 26.3.2013 kl. 10:59]

Sæll Gunnar.

Það er rétt hjá þér, það hefur aldrei þótt skynsamlegt að selja nythæstu mjókurkúna úr fjósinu.

En það er samt skynsamlegt að mjólka hana, er það ekki?

Og selja mjólkina þar sem við fáum hæst verð fyrir hana?

Í stefnuskrá Lýðræðisvaktarinnar kemur skýrt fram að við viljum ekki að Landsvirkjun sé seld.

Við viljum hins vegar mjólka Landsvirkjun og leyta allra leiða til þess að fá sem hæst verð fyrir þessa mjólk. Þess vegna viljum skoða með opnum huga allar leiðir til að fá sem hæst verð fyrir raforkuna okkar, þar á meðal skoða það af fyllstu alvöru hvort það geti verið hagkvæmt að selja hluta af þeirri raforku um sæstreng til Skotlands.

Minni líka á að eitt virtasa ráðgjafarfyrirtæki í heimi á sviði efnahagsmála, Mackinsey, birti skýrslu fyrir nokkru þar sem bent var á leiðir sem við Íslendingar gætum farið ef við ætluðum okkar að auka tekjur okkar og bæta lífskjör. Lagnings sæstrengs var eitt að þeim atriðum sem þeir mæltu með.

Þá ber að nefna það að þó það sé lagður 750MW strengur til Skotlands þá verður það ekki þannig að það fari allfaf 750 MW um strenginn alla sólahringinn allt árið. Mest hagkvæmni fæst með því að selja raforku um strenginn þegar verðið er hæst, það er seinni hluta dags og fram á kvöld. Þá vantar toppafl um alla Evrópu. Þetta afl er lang dýrasta aflið. Það þennan markað sem Norðmenn ætla að þjónusta með sínum nýju sæstrengjum til Danmerkur, Þýskalands og Bretlands. Norðmenn tóku 750 MW NordNet strenginn til Hollands í notkun fyrir 5 árum og greiddu hann upp á 3 til 4 árum með því að útvega þetta toppafl á álagstímum. Vatnsaflsvirkjanir henta mjög vel til að útvega slíkt toppafl. Þær fara þá í gang þegar byrjar að skyggja í Evrópu og eru keyrðar fram á kvöld en safna síðan í lónin á hinum tímum sólahringsins.

Hvað varðar tæknilegu hliðina á gerð og lagningu sæstrengs til Skolands þá er ekkert talið því til fyrirstöðu að leggja slíkan streng. Orkan sem tapast með því að senda rafmagn til Skotlands um slíkan streng er um 7%.

Eigum við ekki að athuga hvort við getum farið að dæmi Norðmanna og gert raforkusölu að ennþá mikilvægari atvinnugrein hjá okkur?

Eigum við ekki að styðja við Landsvirkjun og hvetja félagið til að halda áfram að skoða hvort þetta er hagkvæmt?