Nánast sami samningur.

Eftir að hafa lesið yfir þau drög sem birst hafa á íslensku um Icesave 3 þá er mín niðurstaða sú að þetta er nánast sami samningur og þjóðin felldi í þjóðaratkvæðagreiðslunni fyrr á þessu ári.

Þetta er einnig niðurstaða hollenska fjármálaráðherrans skv. skýrslu sem hann sendi hollenska þinginu í dag, sjá hér

Við Íslendingar eigum eins og áður að ábyrgjast og greiða Hollendingum 1,3 milljarða evra og Bretum 2,35 milljarða punda. Alls um 626 milljarða króna. Eða eins og hollenski fjármálaráðherrann segir þá munu Íslendingar greiða allar Icesave innistæður upp að fullu. Hvað hefur breyst frá Icesave 2?

Allt er með sömu formerkjum og áður. Ísland er með þessum samningi að samþykkja að ábyrgjast og greiða Icesave að fullu. Til þess fáum við þrotabú Landsbankans. Við eigum eins og áður að bera ábyrgð á því ef þær eignir duga ekki til. Enda takið eftir að í fréttinni leggur "aðal samningamaður" Íslands áherslu á það að þessi samningur er til 37 ára.

Það sem hefur breyst frá því þjóðin hafnaði Icesave 2 er eftirfarandi:

• Vextir hafa lækkað í 3,0% fyrstu 5 árin og því verða greiðslurnar lægri.
• Gengið hefur styrkst og því hefur upphæðin sem við eigum að greiða lækkað í krónum.
• Skilanefnd Landsbankans heldur því nú fram að meira fáist upp í eignir Landsbankans en áður en leggur samt mikla áherslu á að þeir hafi fyrir því enga vissu.

Að öðru leiti er þetta sami grautur í sömu skál.

Þá er athyglisvert það ósamræmi sem er í kynningu samninganefndarinnar á samningnum, sjá hér. Lesið er greinar 9 og 10 þar sem nákvæmlega er útfært og lýst hvernig greiðslur eiga að fara fram næstu 37 árin annars vegar og hinsvegar það sem fram kemur í grein 12 þar sem gefið er í skin að 50 milljarðar falli á ríkið og það eigi að klára allar greiðslur fyrir árið 2016. Þá er rætt er um "greiðslur" og svo aftur "greiðslur vaxta" þannig að ekki er hægt skilja við hvað er átt. "Greiðslur vaxta" eiga að hefjast strax en síðan er rætt um að "greiðslur" eigi að hefjast 20016?

Þá er það athyglisvert hvernig vextir munu hækka eftir 2016 úr 3% í eitthvað sem heitir "viðeigandi CIRR vexti". Öllum sem þetta les er ljóst að þeir vextir verða hærri en þessi 3%. Í þessum Icesave 3 samningi er gert ráð fyrir að á hverju ári í 37 ár verða greiðslur að berast frá skilanefnd Landsbankans og ríkissjóði til Bretlands og Hollands. Í 32 ár af þessum 37 verða vextir mun hærri en 3%.

Ég spyr því eru þessir 3% vextir fyrstu 5 árin bara eitthvað blöff?

Það sem í raun hefur breyst frá Icesave 2 og einhverju máli skiptir hefur í raun ekkert með samninginn að gera, án þess þó að ég sé að gera lítið úr lægri vöxtum fyrstu 5 árin, lögsagan færð frá Bretlandi til alþjóðadómstólsins í Haag o.s.frv, þá eru það fyrst og fremst utanaðkomandi þættir sem gera Icesave 3 hagstæðari en Icesave 2.

Í eðli sínu er þetta sami samningur.

Það sem hefur breyst er að gengið hefur styrkst og skilanefnd Landsbankans telur að nú fáist eitthvað meira upp í kröfur.

Og er ætlast til að ég samþykki þetta?

Mynd: Göngustígurinn upp Esju

 

Býsna góð niðurstaða

Athugasemdir

[Rúna r Már Bragason (IP-tala skráð) 10.12.2010 kl. 01:27]

Ekki miðað við lesturinn og ekki hef ég áhuga á að borga þetta. Takk fyrir að greina þetta svona flótt fyrir okkur. Íslenska þjóðin á ekki að borga þetta.

[Lykillinn (IP-tala skráð) 10.12.2010 kl. 02:34]

Þegar Gordon Brown forsætisráðherra Bretlands setti hryðjuverkalögin, samin fyrir óvini Hins Frjálsa Heims, á þá eitt hæststandandi land í heiminum, siðferðilega sem á öðrum sviðum, Ísland, með lengstu alþingishefð í veröldinni..............herlaust land sem var á toppnum á Global Peace Index sem friðsælasta og mest friðelskandi land heims......

þá sveik hann Vestræna menningu eins og hún lagði sig. Lagði lóð á vogarskálar þeirra sem vilja tortýma henni með að gera lítið úr hryðjuverkalögunum, og lagði eyðingaröflunum lið með að bera þau saman við 30 misvitra íslenska bankamenn.

Að láta þjóðina alla gjalda siðferðis örfárra óvinsælla bankamanna er sama "lógík" og var að baki Helförinni, sem nazistar, óvinir Vestrænnar menningar eins og Gordon Brown og terroristarnir vinir hans sem þakka honum fyrir að vera komnir á blað með Íslandi og þar með hvítþvegnir, töldu sanngjarna laus við hinu svokallaða "gyðingavandamáli".

Ef Íslendingar taka á sig þessar skuldir munu þeir hljóta slæmt karma fyrir, afþví skuldaþrældómur er helsta ástæða sárrar fátæktar fátækustu ríkja heims, en ekki skortur á matvælum eða annað. Þeir sem ekki þekkja til ættu að kynna sér "Make Poverty History" átakið sem Bono í U2 var front maður fyrir. Við skuldum þessum þjóðum að við látum ekki þjóðirnar sem hnepptu þau í þennan þrældóm og hafa með því svellt milljónir og milljarða barna í hel......hneppa okkur í þrældóm líka. Ef við sleppum við að borga, opnar það smugu fyrir þau að hætta að borga. Svo mikilvægt er okkar hlutverk, og ófyrirgefanlegt að bregðast því núna, og erum við þá persónulega ábyrg fyrir sveltandi Afríkubúum og höfum með því að taka á okkur óréttlátar skuldir lagt persónulega blessun íslensku þjóðarinnar yfir meðferðina á okkar minnstu bræðrum meðal þjóða heims.

Að lokum skal hafa í huga að Þroskastríðið er ekki á enda. Bretar hafa arðrænt þjóðir heims hvað mest allra þjóða og heiminum blæðir enn undan heimsvaldastefnu þeirra. Þeir hafa lengi ásælst auðlindir okkar.

Frelsi - Jafnrétti - Bræðralag!

Á lykiltímum í veraldarsögunni þýðir ekki að hugsa smátt...Ísland verður að rísa undir hlutverki sínu.....

[Jón Steinar Ragnarsson, 10.12.2010 kl. 03:49]

Mitt nei atendur fastar en nokkru sinni. Forsendur síðustu neitunnar voru ekki vaxtakjör eins og þjóðníðingar ríksstjórnarinnar spinna. Þær voru höfnun á því að breyta glæfraskuldum  einkabanka í kröfur á almenning án dóms og laga.  Fordæmi sem fríar glæpamennina endanlegri ábyrgð á gjörðum sínum til frambúðar. Nei takk.

[Jón Steinar Ragnarsson, 10.12.2010 kl. 04:05]

Menn skulu svo ekki gleyma að hér er verið að semja um lán frá Holleningum og Bretum sem enginn hefur beðið um. Lán sem á að greiða skuldir við þá djálfa, sem enginn lagalegur grundvöllur er fyrir, né er skuldbindingin viðurkennd af Íslenska ríkinu. Ríkið getur ekki enda ábyrgst þá gerviskuld nema að brjóta lög og stjórnarskrá og gera forsætis og fjármálaráðherra tugthústæk.

Það er svo rétt að nefna að enginn veit hver skuldin er og það yrði í fyrsta skipti í sögunni, sem slíkt opið skuldabréf yrði samþykkt.  Hver skrifar undir skuldabréf, með spurningamerki í samtölureitnum? Eru menn alger fífl?

Mér finnst eiginlega á máli aðalsamningamannsins að hann sé að ráðleggja okkur að hafna þessu, þótt hann geti ekki sagt það berum orðum.

[Adda Þorbjörg Sigurjónsdóttir, 10.12.2010 kl. 05:30]

Munurinn virðist fólginn í hlutfalli Íslands í greiðslum frá Landsbankanum. Áður var hann 51% af því sem fengist upp í Landsbankann er nú virðist hann vera 100%.

Þarf að kynna mér þetta nánar áður en ég mynda mér skoðun. Okkur ber ekki að greiða þetta og því þarf að ákveða hvort að skynsamlegt er að sættast hér eða ekki.

[Jón Steinar Ragnarsson, 10.12.2010 kl. 06:14]

Ef hlutfallið er núna 100% þá sé ég ekki betur en að þeir geti vel við unað og sleppt þessu óumbeðna láni til ríkissjóðs. Hvaðan þú hefur þessar fréttir veit ég ekki, en líklegast eru þetta getgátur eða vísvitandi blekkingar, því ekkert hefur komið fram um þetta. Þetta er ekki fordæmi, sem nokkur banki myndi sætta sig við, svo þú getur gleymt því að þetta sé raunin. Það mætti kannski ætla þetta eftir þessari 50 milljarða tölu, sem einhver dró upp úr hatti í gær. Hún er ekki studd neinu. Bull og kjaftæði.

Sjaðu bara hvað kemur í ljós í dag. Hið rétta er þegar að skýrast og ekki að undra að Steingrímur léti ekki sjá sig.

Samningamennirnir eru að reyna að koma því að hjá okkur að samþykkja ekki.

Hollenskur sérfræðingur er gáttaður áundirlægjuhættinum og segir okkur ekki þurfa að borga neitt.

Niðurstaðan er þegar ljós og hún er NEI!

[H.T. Bjarnason (IP-tala skráð) 10.12.2010 kl. 11:13]

Nú spyr ég vegna þess að ég veit ekki betur ... koma ekki eignir Icesave reikninganna til dekka svo til allan kostnaðinn?

[H.T. Bjarnason (IP-tala skráð) 10.12.2010 kl. 11:16]

Eitt til viðbótar ... margir tala um að við eigum ekki að borga skuldir fjárglæframanna.  Gott og vel.  En hver spurði þjóðina um leyfi þegar sú ákvörðun var tekið að ábyrgjast allar innistæður í íslenskum bönkum daginn eftir hrun?  Ekki átti ég neitt í þessum bönkum en samt er ég látinn greiða.

[Friðrik Hansen Guðmundsson, 10.12.2010 kl. 11:19]

Sæll H.T.Bjarnason

Jú, okkur Íslendingum er talið trú um að svo sé.

Bretar og Hollendingar hafa greinilega sínar efasemdir. Annars væru þeir ekki að knýja svona fast á um það á íslenska ríkið ábyrgist þessar greiðslur.

[Friðrik Hansen Guðmundsson, 10.12.2010 kl. 11:52]

Það var einhliða ákvörðun ríkisstjórnar Geirs Haarde að tryggja allar innistæður að fullu. Þessa ákvörðun samþykkti og studdi síðan Alþingi með samþykkt Neyðarlaganna á næturfundi nokkrum dögum síðar.

Það að ábyrgjast að fullu allar innistæður í bankakerfi sem var 12 sinnu umfangsmeira en landsframleiðslan var hrein glæpamennska.

Engin leið var til þess að þjóðin gæti staðið við þetta loforð.

Þess vegna fór ríkisstjórn og Alþingi þá leið að ræna allar þær fjármálastofnanir sem höfðu verið í viðskiptum við íslensku bankana. Þetta rán var framkvæmt þannig að fé var tekið frá þessum fjármálastofnunum og það flutt til innlánseigenda, alls um 2000 milljarðar. Þetta er eitt stærsta rán sem nokkru sinni hefur verið framið í Evrópu.

En þetta fannst þingmönnunum okkar ekki nóg að gert. Til að tryggja að íslenskir innistæðueigendur fegnu örugglega allt sitt fé til þá var þjóðin veðsett fyrir afganginum ef einhver yrði.

Þeir Íslendingar sem eiga í bönkunum yfir 3,5 milljón sem er það lámark sem tryggingasjóður innistæðueigenda tryggir, þessir Íslendingar hafa barist fyrir því með oddi og egg að þjóðin samþykki Icesave. Um leið og þjóðin samþykkir Icesave þá er þjóðin búin að ábyrgjast þeirra innistæður að fullu. Dugi þrotabú Landsbankans ekki til þess þá verður gengið í vasa launafólks á Íslandi til að tryggja þessum innistæðueigendum það fé sem þeir áttu inni í bönkunum þegar þeir féllu. Fé sem þeir að óbreyttum lögum og reglum hefðu tapast að miklu leiti, 70% til 80% ef ekki hefði komið til þess að íslenska ríkið rændi allar helstu fjármálastofnanir heims ásamt því að veðsetja börnin okkar til næstu 37 ára eins og núverandi Icesave 3 gerir ráð fyrir.

Ísland var gert að þjófabæli og ræningjaríki til þetta að verja innistæður þessara fáu ríku fjölskyldna sem eiga gríðarlegt fé inni í íslensku bönkumum.

Er nema von að þessar erlendu fjármálastofnanir sem voru rændar með þessum hætti vilji ekki lána fé til Íslands?

[runar (IP-tala skráð) 10.12.2010 kl. 18:23]

Lykillinn, ég er hjartanlega sammála texta þínum en það er orðið hálf þreytandi að lesa þennan sama texta á tugum staða.

Það er ekkert að því að nota texta oftar en einu sinni en þegar maður rekst á sama textann oft á dag þá missir hann vægi sitt, innihaldið rýrnar ekki heldur upplifir maður þá tilfinningu að höfundur hafi í þetta sinn jafnvel komið sjálfum sér á óvart í þessu ritverki sínu, að höfundurinn hreinlega geti ekki svelt annað fólk með því að opinbera ekki þetta stórkostlega meistaraverk sitt.

Það er í það minnsta mín fyrsta nálgun af þessu spammi...

[Lykillinn (IP-tala skráð) 10.12.2010 kl. 23:33]

Kæri Rúnar. Þetta er ekkert egó-flipp, né finnst mér þetta vera "flottur" texti, því síður að ég eigi "heiðurinn" af honum, og ég er ekki að vellta mér upp úr því að hlusta á "mína eigin rödd" eða neitt slíkt.

Þetta eru bara skilaboð, sem ég á að koma á framfæri, með nákvæmlega þessum hætti, og ég get ekki skorast undan því.

Ef þú nærð því ekki að menn geri stundum eitthvað af öðrum hvötum en hégóma og egóisma, þá verður þú bara að eiga það við þig. Ég myndi koma fram undir nafni ef ég væri með einhverja sýningu hérna. Það er ekki það sem um ræðir. Þetta eru bara skilaboð til íslensku þjóðarinnar, að þeir beri áfram, með eigin orðum, sem þau lesa, og geri sín eigin, því þau eru ekkert sérstaklega til mín, né fann ég þau upp.

Íslandi er ætlað mjög stórt hlutverk og okkur verður aldrei fyrirgefið af heiminum ef við bregðumst núna með að beygja okkur undir ofríki glæpamanna sem hafa myrt milljónir og réttlætt með samskonar "rökum" og þeir nýðast á okkur. Helförin og venjulegt fólk sem varð að deyja út af orðspori eins og eins viðskiptamanns, fátækt Afríku sem enn blæðir undan skuldum, Haíti og skuldaþrældómurinn þar.....og nýlenduríkin gömlu sem kúga ennþá heiminn og hindra hinn frjálsa heim að fá að verða það sem hann á að verða........ef fólk sér ekki samhengið þá erum ekki bara við þjóðin heldur öll hin Vestræna menning í bráðri hættu. Það er að koma úrslita stund, og fólk mun velja frelsið eða fasismann...Svo einfalt er það. Þá gildir að sýna hugrekki og sannleiksást frekar en leita tímabundis öryggis.

 Eins og frægur forseti sagði áður en landið hans fór niður á við: "Those who trade essential liberty for temporary security, deserve neither and will loose both". Og það verða örlög Íslands, að missa bæði, um aldur og æfi, ef við sýnum ekki hugrekki sem aldrei fyrr hér og nú í dag á þessum tíma. Þetta VEIT ég einfaldlega, og get því ekki þagað og haft góða samvisku. Og þetta vita allir vitibornir menn á Íslandi einnig.