Skatta-, gjaldskrárhækkanir og niðurskurður eða sala eigna?

Frammi fyrir þessum tveim einföldu valkostum standa Reykvíkingar fyrir komandi borgarstjórnarkosningum.

Hvorn kostinn velur þú?

Velur þú einn af fjórflokkunum og þar með skatta- og gjaldskrárhækkanir, niðurskurð og áframhaldandi lántökur?

Eða velur þú Reykjavíkurframboðið sem vill leysir vanda borgarsjóðs og borgarbúa í þessar djúpu kreppu með sölu eigna?

Eignirnar sem við viljum selja á næsta kjörtímabili eru lóðir í Vatnsmýrinni.

Kynntu þér Reykjavíkurframboðið hér xE

 

 

Athugasemdir

[JR (IP-tala skráð) 21.5.2010 kl. 00:11]

Hlustaði á viðtal við þig í útvarpinu.

Þar viðurkenndir þú að þið eina loforðið ykkar fyrir kosningar er að selja landið í Vatnasmýinni  !

Þið eruð föst í 101 og það í fúlasta pittinum í borginni Vatnsmýrinni !

Sýðan haldið þið kynningarfund, auðvitað sem næst Vatnsmýrinni !

Þetta fólk, sem er taparar hjá sjálfstæðisflokknum, er að búa sér til vinnu , vegna þess að þarana er saman komið lið úr verkfræðingastétt og arkitekta stétt !

Þið eruð ekkert að hugsa um neitt annað !

[Haukur Nikulásson, 21.5.2010 kl. 00:36]

JR, við erum einmitt að hugsa um þig og þína hagsmuni. Meira að segja þótt þú sért svona svakalega tortrygginn út í þetta. Þvert á almennt álit, þá erum við í raun besti flokkurinn sem þú getur kosið.

Við höfum lausnina til að brúa kreppuna með því að stuðla að alvöru eignamyndun úr Vatnsmýrinni sem hefur verið misnotuð í 65 ár án þess að Reykvíkingar hafi fengið krónu í leigu fyrir þetta svæði. Nú hættum við svoleiðis og notum svæðið til sem bjarghring í kreppunni. Við getum það án þess að skattleggja þig, hvorki nú né síðar.

Okkur, sem stöndum að Reykjavíkurframboðinu, er stundum stórlega misboðið með ruglinu sem andstæðingar okkar láta út úr sér en reynum samt að svara þessu af þolinmæði.

Kosningaloforð án peninga eru ekki aðeins ónýt, þau eru ódýr kosningalygi. Spurðu hin framboðin hvernig þau ætla að leysa kreppuvandræði Reykvíkinga.

[Theódór Norðkvist, 21.5.2010 kl. 01:18]

Sala lóða er ekkert annað en dulin skattlagning, því einhver verður að borga fyrir lóðirnar. Ef það eru lóða(k)verktakar fer söluverðið út í fasteignaverðið og þar með lán kaupendanna.

Auk þess kemur þetta til með að auka álögur á landsbyggðina með auknum ferðakostnaði ef flugið verður flutt til Keflavíkur.

Ekki það að ég sé á móti þessu, er frekar hlynntur því að færa flugvöllinn. Einfaldlega af öryggisástæðum, en það tíðkast held ég hvergi að flugvöllur sé svona nálægt byggð. Það er samt rétt að tala um hlutina eins og þeir eru.

[Friðrik Hansen Guðmundsson, 21.5.2010 kl. 14:09]

Sæll Theódór

Sala eigna, hvort sem þar er bíll, bátur, hús, jörð eða lóð, það er ekki skattlagning.

Ef þú skilgreinir sölu eigna sem "dulda skattlagningu" þá er það alltaf "dulin skattlagning" þegar opinberir aðilar selja eingnir sínar

[Friðrik Hansen Guðmundsson, 21.5.2010 kl. 14:22]

Dapurleg er lífssýn þín JR ef allir þeir sem hafa einhvern tíma starfað fyrir Sjálfstæðisflokkinn séu orðnir "taparar" í þínum augum ef leiðir þeirra og Sjálfstæðisflokksins skilja.

Eftir því sem ég best fæ séð það er það Sjálfstæðisflokkurinn sem er "taparinn" í Íslensku samfélagi og hefur verið það síðan Davíð Oddson leidd flokkinn í mesta kosningaósigur í sögu flokksins árið 2003 þegar flokkurinn m.a. tapaði titlinum "Fyrsti þingmaður Reykjavíkur" til Samfylkingar.

Leið flokksins hefur síðan haldið áfram niður á við.

Það er Sjálfstæðisflokkurinn og bandarísk- breska hugmyndfræði hans sem er "taparinn" í íslensku samfélagi í dag og undanfarin ár, ekki þeir sem hafa gefist upp á Sjálfstæðisflokknum.