Um allan heim er nú hrópað: Íslendingar eiga ekki að borga!

Stöðugt bætist í hóp þeirra erlendu manna og kvenna sem sem segja að okkur Íslendingum ber ekki að borga krónu vegna þessa Icesave máls. Nú er það dálkahöfundur hjá breska blaðinu Telegraph.

Við verðum að átta sig á því að ef við látum allar þessar innihaldslausu hótanir Breta um að þeir muni reka okkur úr EES, EFTA, NATO, úr alþjóðasamfélaginu o.s.frv. eins og vind um eyru þjóta þá er samningsstaða okkar mjög sterk í þessu máli.

Þetta vita Bretar.

Þess vegna hafa þeir gengið svona hart fram í að klára málið svo fljótt sem verða má. Nú er staða Breta öll að breytast. Þeir eru að átta sig á því að þeir geta ekki beitt AGS fyrir sig í málinu ef Norðurlöndin lána okkur. Ekki má gleyma því að við erum þegar komin með um helminginn af láninu frá AGS í hús.

Þetta vita Bretar.

Þeir vita að þessar hótanir, þetta er allt moðreykur hjá þeim. Þeir vita að þeir léku illa af sér þegar þeir borguðu breskum innistæðueigendum út allar þessar innistæður án samráð við okkur. 

Þeir banka svo upp á hjá nágranna sínum og krefjast þess að nágranninn borgi fyrir það að þeir voru að afla sér vinsælda. Þetta mál er allt ein barnaleg mistök af hálfu Breta frá upphafi til enda og þetta vita Bretar. 

Í dag er staðan þannig að öllum er ljóst að þessar hótanir þeirra eiga ekki við nein rök að styðjast. Að þeir geti einangrað okkur alþjóðlega vegna þessa máls er eins og hvert annað bull. Þar fyrir utan er fjöldi fræðimanna, almenningur og stjórnmálamenn í Evrópu byrjaður að taka undir þau sjónarmið að við eigum ekki að borga krónu vegna þessa máls. Þessi grein í dag í Telegraph er bara ein af mörgum.

Ef við fellum þetta mál í Þjóðaratkvæðagreiðslu þá eigum við ekki að hafa frumkvæði að frekari samningaviðræðum við Breta. Þegar þeir svo koma og óska eftir viðræðum eftir hálft ár, eitt ár eða tvö ár þá eigum við að taka kurteislega á móti þeim. Þær viðræður eiga allar að fara fram hér á Íslandi, gjarnan á Akureyri eða Egilsstöðum. Tekjur vegna þessara viðræðna, hótelgisting, matur, drykkur o.s.frv. á að renna í vasann á hóteleigendum á Akureyri eða Egilstöðum.

Í þeim viðræðum á útgangspunktur okkar að vera sá sem Eva Joly kynnti Hollendingum nú í vikunni. Sjá hér og hér og hér og hér og hér.

Og af því að við viljum vera sanngjörn þjóð og viljum koma til móts við Breta í málinu þá eigum við að bjóða þeim eftirfarnandi:

• Þið látið Icesave niður falla og við látum bótakröfur vegna þess að Bretar settu á okkur hryðjuverkalög niður falla.

Fjárhagstjónið sem varð vegna þess að Bretar beittu hryðjuverkalögum á Seðlabanka Íslands, Kaupþing og Landsbankann og frystu allar eignir þessar banka inni á Bretlandi, þar á meðal gull- og gjaldeyrisforða ríkisins sem var geymdur þar, má meta svipað og ef þeir hefðu sent hingað sprengjuflugvélar og jafnað hálfa Reykjavík við jörðu. 

Sanngjarnari samning geta Bretar í dag ekki vænst að fá.

Mynd: Mógilshnjúkar og Skálafell til hægri. Loftmyndirnar með pistlunum hér fyrir aftan voru teknar úr flugvél Flugfélags íslands á flugleiðinni milli Rvk og Egilsstaða.

 

Telegraph: Engin ástæða til að Íslendingar greiði

Athugasemdir

[Skúli Sigurðsson, 9.1.2010 kl. 10:12]

Hér hittir þú naglann á höfuðið.  Góð grein.

[Hrappur Ófeigsson, 9.1.2010 kl. 10:31]

"eins og vind um eyru þjóta"  átti þetta ekki að vera.....

Eins og vind um evru þjóta ?  hahaha  að sumu gamni slepptu, fínn pistill hjá þér.

[Árni Gunnarsson, 9.1.2010 kl. 10:40]

Nú sýnist mér að styttist í það að "talsmenn" þjóðar minnar fari að taka til máls á erlendum spjallvefjum og taka þessa vini okkar í gegn fyrir stuðninginn.

Það má nefnilega ekki vitnast að áð hafi verið forsetinn sem sneri umræðunni okkur í vil.

[Friðrik Hansen Guðmundsson, 9.1.2010 kl. 10:55]

Sæll Árni.

Margir Íslendingar er á fullu að taka þátt í umræðum á spjallvefjum um alla Evrópu. Margir Íslendingar láta til sin taka á Bretlandi, Danmörku og Noregi. Örugglega líka í Hollandi og Þýskalandi.

Það sem ég hef lesið í þessum þrem löndum þá eru okkar menn að gera þetta mjög vel. Sjálfur hef ég skrifað nokkur komment við greinar í Bretlandi og Danmörku.

Árni, forsetinn á mikinn heiður skilið.

[Sigurður Þórðarson, 9.1.2010 kl. 13:41]

Takk Friðrik, frumkvæði forsetans hefur gefið þjóðinni nýjan kjark og styrk

[Steinunn Friðriksdóttir, 9.1.2010 kl. 16:17]

já það var kominn tími á að íslendingar nær og fjær hættu undirlægjuskapnum og fengu smá sjálfsvirðingu aftur. Ísland er þess virði að berjast fyrir

[Finnur Bárðarson, 9.1.2010 kl. 17:03]

Kanski full mikið sagt að allur heimurinn hrópi, en einhverjir hafa lagst á sveif. En spurningin er hvort þeirra afstaða skipti máli þegar á hólminn verður komi. Ekki fagna of snemma. ískalt mat er farsælast en ekki stundargleði.

[Friðrik Hansen Guðmundsson, 9.1.2010 kl. 17:08]

Sæll Finnur

Það er fyrst og fremst okkar eigin afstaða sem skiptir máli.

Ef vilji er til þá er okkur í lófa lagið að standa að samningum eins og ég lýsi hér fyrir ofan. Þannig myndi ég í það minnsta fara að, fengi ég einhverju ráðið.

[Finnur Bárðarson, 9.1.2010 kl. 17:40]

Ég sveiflast dálítið í þessu. En framsetningin hjá þér Friðrik er góð og get ég tekið undir. Kanski er bara best að láta reyna á þetta og ýta efanum til hliðar um stund. Kanski er maður ekki nógu mikill baráttujaxl að eðlisfari :)

[Hólmfríður Bjarnadóttir, 9.1.2010 kl. 17:49]

Mig undar það ekki að álit okkar erlendis hafi beðið hnekki

[Friðrik Hansen Guðmundsson, 9.1.2010 kl. 18:39]

Orðspor okkar erlendis skaðaðist vegna þess að lítið og nánast ekkert kynningarstaf fór fram á málstað Íslands. Það er ekki fyrr en nú að forsetinn synjaði Icesave-2 lögunum staðfestingar að málstaður Íslands fær kynningu. Viðbrögðin erlendis láta þá ekki á sér standa.

Það er í hæsta máta sérkennilegt ef við Íslendingar tökum ekki undir með fólki eins og Evu Joly, Michael Waible doktor í alþjóðalögum, Ann Pettifor hagfræðingur og fleirum sem halda því fram að okkur Íslendingum ber ekki skylda til að greiða.

Í nýjum samningaviðræðum við Breta og Hollendinga hlýtur þetta að vera okkar útgangspunktur. Eins ber okkur skylda að krefjast bóta vegna þess tjóns sem hryðjuverkalögin hafa valdið, þar með talið fall Kaupþings. Gleymum því ekki að við veðjuðum á að Kaupþing myndi ekki falla. Seðlabankinn lánaði Kaupþingi stærsta lán Íslandssögunnar daginn áður en Bretar felldu bankann með hryðjuverkalögunum

[Halla Rut , 9.1.2010 kl. 20:40]

Flott grein.

[josira, 9.1.2010 kl. 23:12]

Takk fyrir þessa góðu grein...

[Haraldur Hansson, 9.1.2010 kl. 23:39]

Flott færsla sem ég tek heils hugar undir. Hræðsluáróðurinn er hættur að bíta eins og hann gerði og uppgjöfin fær æ minni stuðning.