"Stóra planið": Hækka skatta og skera niður framkvæmdir.

Þegar blaðað er yfir fjárlagafrumvarpið þá sést fljótt að það eina sem á að skera niður í rekstri ríkisins á næsta ári, það er viðhald og framkvæmdir.

Flest ráðuneyti og málaflokkar þeirra hafa nánast úr sömu fjármunum að moða og á síðasta ári. Það er ljóst að litlar eða engar breytingar á að gera á ríkisrekstrinum sem þandist út eftir hvert metárið síðasta áratuginn.

Ekkert á að taka á þessum ofvexti ríkisins í þessum fyrstu kreppufjárlögum. Plan ríkisstjórnarinnar er einfalt: 

Hækka skatta og skera niður framkvæmdir.

Ég fullyrði að aldrei hafa verið lögð fram fjárlög sem hafa mismunað þjóðfélagshópum jafn mikið á milli fjárlagaára eins og þessi fjárlög gera. 

Það er forkastanlegt að leggja allan samdrátt ríkisútgjalda á bygginga- og verktakastarfsemina í landinu.

Það er forkastanlegt að leggja allan samdrátt ríkisútgjalda á næsta ári á fjölskyldur þess fólks sem hefur haft atvinnu sína af því að starfa í byggingar- og verktakastarfsemi.

Af hverju má ekki hagræða í rekstri ríkisins?

Af hverju er bara skorið niður í viðhaldi og framkvæmdum?

Mynd: Í Elliðaárdalnum, 1.11.09.

 

47% skattur á launatekjur?

Athugasemdir

[Rauða Ljónið, 9.11.2009 kl. 20:36]

Sæll. Er svo hjartanlega sammála þér ríkið verður að spara það geri kröfur til hins almenna borgara og þá verður það að gera hið sama til sjálf síns.

Kv. Sigurjón Vigfússon

[Jón Aðalsteinn Jónsson, 9.11.2009 kl. 20:39]

Síðan hækkar hækkun virðisaukaskats ´lánin

[Kristjan Baldursson (IP-tala skráð) 10.11.2009 kl. 09:55]

Sæll Friðrik.

Þetta er góð grein og nauðsynlegt að benda á þessar staðreindir.

kveðja Kristjan Baldursson

[Héðinn Björnsson, 10.11.2009 kl. 16:23]

Er ekki fyrst og fremst verið að færa framkvæmdarfjárfestinguna yfir í framkvæmdir á vegum lífeyrissjóðanna? Er þetta ekki fyrst og fremst bókhaldstrikk til að láta eins og ekki sé verið að safna eins mikið af skuldum.