Veðurstofa Íslands að bregðast okkur öllum?

Ríkisstjórn Íslands er við það að lýsa yfir neyðarástandi í loftlagsmálum vegna hamfara hlýnunar og heitir tugum milljarða í baráttuna við að lækka hitastig jarðar. Veðurstofa Íslands, VÍ, er aðal ráðgjafi ríkisstjórnarinnar í þessu máli og matar kjörna fulltrúa okkar á gögnum og upplýsingum sem eiga að réttlæta þessi miklu fjárútlát í þennan málaflokk, að sjálfsögðu á kostnað annarra brýnna verkefna í heilbrigðis, félags og menntamálum að ógleymdri innviðauppbyggingu.

Félög raunsægissinna í loftlagsmálum hafa verið stofnuð í löndum Evrópu og halda úti vefsíðum sem flestar heita Klimarealister eða svipað. Í þessum félögum raunsægissinna er að finna mörg af stærstu möfnum í vísinda sögu Evrópu síðustu áratuga. Þarna eru prófessorar, doktorar og Nóbelsverðlaunahafar í Eðlisfræði ásamt öðrum þeim sem telja að maðurinn geti ekki stjórnað hitastigi jarðar. Tilgangur þessara félaga er að benda á að þessar endalausu heimsendaspár Loftlagsnefndar SÞ, IPCC, standast ekki vísidalega skoðun, það er engin hamfarahlýnun í gangi og maðurinn er ekki ábyrgur fyrir allri þeirri aukningu í CO2 í andrúmsloftinu sem orðið hefur síðustu 150 árin. Hér má sjá meðlimi Vísindaráðs Norskra Raunsægissinna í loftlagsmálum, í þeim glæsilega hópi eigum við okkar mann, Dr. Rögnvald Hannesson 

Á sama tíma og Veðurstofa Íslands, VÍ, hvetur ríkisstjórnina til að verja gríðarlegum fjárhæðum í að reyna að stjórna hitastigi jarðar þá er staðreyndin sú að samkvæmt eigin hita mælingum VÍ þá hefur kólnað á sunnanverðu landinu á þessari öld. Lítilsháttar hlýnunar hefur hins vegar orðið vart á norðanverðu landinu. Niðurstaðan er að það hefur ekkert hlýnað á landinu á þessari öld. Það er engin hlýnun í gangi, hvað þá hamfarahlýnun.

VÍ er því hætt að vísa í eigin hitamælingar til að réttlæta þær miklu fjárhagslegu fórnir sem stofnunin krefst að þjóðin færi til að stöðva meinta hamfarahlýnun. Þessi í stað vísa starfsmenn VÍ þessi árin til bráðnunar jökla hér á landi og á Grænlandi.

Í mæligögnum frá Grænlandi er samt ekki að finna neitt sem réttlætir að við Íslendingar ættum að verja tugum milljarða í að reyna að lækka hitastig jarðar. Skv hitmælingum Dönsku veðurstofunnar hefur kólnað í bæjum Grænlands á síðustu 10 árum. Hin hraða bráðnun á Grænlandsjökli sem varð vegna hlýnunarinnar frá 1980 til 2000 er nú að stöðvast og ísbreiðan á Norður heimskautinu er sú mesta i 13 ár.

Hér heima stöðvaðist hop jökla í fyrsta sinn í 25 ár, 2018. Eftir það hefur ekki farið saman hljóð og mynd hjá VÍ þegar stofnunin fjallar um bráðnun jökla í Íslandi. Þeirra síðasta hálmstrá, að verja faglega ráðgjöf sína til stjórnvalda að þjóðin verði að leggja fram milljarða tugi til að lækka hitastig jarðar, þetta hálmstrá, bráðnun Íslensku jöklanna er nú líka að falla.

Á sama tíma og VÍ stendur vörð um ráðgjöf sína að hamfarahlýnun ógni heiminum og tilkynnir met bráðnun jökla landsins á síðasta ári þá segja jöklarnir okkur allt aðra sögu. Þá sögu má lesa í vatnsstöðu lóna Landsvirkjunar. Á meðfylgjandi mynd má sjá hvernig vatnsstaðan er í Þórisvatni sem fær vatn sitt úr vatnasviði Túnár sem rennur úr vestanverðum Vatnajökli og svæðinu norðan og austan Veiðivatna. Eins og sjá má þá var innrennsli inn í Þórisvatn í sögulegu lágmarki í haust. Það var lítil sem engin haustbráðnun. Takið líka eftir að það sem kallað er “stöðugt innrennsli” hefur alveg brugðist í vetur, nóv-mars. Úrkoman sem féll í vetur hlýtur að liggja sem fannir á vatnasviði Túnár og skilar sér ekki í lónið. Fullyrðingar VÍ að jöklar landsins hafi bráðnað sem aldrei fyrr á síðasta ári passa ekki við ástand uppistöðulóna Landsvirkjunar.

Ráðgjöf VÍ til ríkisstjórnar að landið sé í klóm hamfarahlýnunar og mikilla fjárhagslega fórna sé þörf til að bæta það ástand byggir á mjög veikum rökum ef nokkrum. Það hefur ekkert hlýnað hér á landi á þessari öld, hvað þá að hér sé hamfarahlýnun í gangi. Hún er mikli ábyrgð VÍ á þeirri stöðu sem upp er kominn og væntanlegri sóun milljarðatuga af skattfé okkar Íslendinga í fjölda tilgangslausra verkefna í nafni meintrar hamfarahlýnunar.

Hvernig gat VÍ þróast á þennan veg? Hvernig getur starfsfólk VÍ setið undir þessari stefnu stofnunarinnar? Eða vinna engir ærlegir vísindamenn lengur hjá Veðurstofnunni, bara fólk í pólitísku trúboði fyrir IPCC?

Er jarðskjálfta- og eldgosa hrina framundan?

Komum við til með að upplifa auknar jarðhræringar og eldvirkni samhliða minnkandi virkni sólarinnar á næstu árum? Margar vísindagreinar sýna fram á slík tengsl. Öll stærstu eldgosin sem höfðu áhrif á veðurfar á jörðinni, þau áttu sér stað þegar sólvirkni var í lágmarki. Við erum að koma út úr 11 ára sólarsveiflu sem var sú veikast í 100 ár. NASA spáir því að sólarsveifla 25 sem hófst í ár og stendur næstu 11 árin verði sú veikasta í 200 ár. Þetta "Grand solar minimum" lýsir sér í mjög fáum sólblettum og segulsvið sólar er veikara en þegar sólvirkni er mikil.

Veikara segulsvið sólar veldur því að aukið magn geim geisla kemst inn í lofhjúpinn ásamt því að falla til jarðar. Aukið magn orkuríkustu geim geislanna kemst djúpt niður í iður jarðar og hitar upp kvikuna sem þar er. Þessu má líkja við það sem gerist í örbylgjuofnum. Það eru þessi áhrif sem talin eru að valdi aukinni eldvirkni á jörðinni, áhrif sem verða mest þegar sólarlágmörk ganga yfir eins og nú.

Ef þessi tilgáta er rétt og NASA spáir rétt til um að fram undan sé mesta sólarlágmark í 200 ár þá megum við Íslendingar búa okkur undir jarðskjálfta og eldgosa hrinu á komandi árum. Hér má lesa margar greinar um samband eldgosa, sólarlágmarka og geim geisla.

 

Myndin er af eldfjallinu Bromo á Jövu, Indonesíu

Stór eftirskjálfti – hrinan heldur áfram

Við settum heimsmet í gær í samfélagslegu smiti

Í gær 6. apríl kl (ca) 23:30 vorum við með flest staðfest smit í heimi miðað við okkar uppáhalds viðmið, höfðatölu / hlutfallslegan fjölda fólks. Farsóttin er orðin stjórnlaus hér á landi og enn er allt meira og minna opið, leik- og grunnskólar, allt opið fyrir ferðamenn og svo framvegis og Sótti heimtar að fólkið á Langanesi smitist líka. Það er löngu tímabært að stöðva þennan mann og taka upp aðferðir allra okkar nágranna, nema Svía

Skv meðfylgjandi mynd þá er hlutfallslegt smit hjá okkur 4.581 miðað við milljón íbúa sem færir okkur "gullið". Smit í gær voru 1.562. Þeir sem gerðu stólparitið hafa reiknað með að á Íslandi búi 341.000 manns (1.562 smit / 4.581 x 1000.000 = 341.000 manns). Ef við gerum ráð fyrir að þeir sem gerðu þetta stólparit hafi náð í jafn gamlar tölur frá öðrum löndum þá er gullið okkar.

Ef við hins vegar tökum nýjustu tölur Hagstofunnar frá 1. jan 2020 þá erum við Íslendingar um 364.000. Það þýðir að hlutfallslegt smit á milljón íbúa miðað við skráð smit eru 1.562 smit / 364.000 manns x 1000.000 = 4.291 sem færir okkur silfrið. Luxemburg hirðið þá af okkur heimsmetið með 4.541 smit per milljón íbúa.

Ef við tökum tölurnar frá ÍE út úr þessu, 16.009 sýni (57%) og 140 staðfest smit (9%) og horfum bara á tölurnar frá Landspítalanum þá hefur spítalinn tekið 11.871 sýni (43%) og hefur staðfest 1.422 smit (91%). Þetta þýðir 1.422 smit / 364.000 manns x 1000.000 = 3.907 smit per milljón íbúa. Þessar tala frá Landspítalanum, 3.907, tryggir okkur áfram silfrið því í þriðja sæti situr Spánn með 2.923 smit per milljón íbúa.

Það er rangt að halda því fram að hér á landi sé smitið svo útbreitt vegna þess að við tökum svo mörg sýni. Tæp tólf þúsund sýni sem Landspítalinn hefur tekið af 3,3% þjóðarinnar það er væntanlega svipað og aðrar þjóðir eru að taka og þessi tala segir okkur að við erum með næst mest smit allra þjóða heims.

Það er rangt að halda því fram að samfélagslegt smit á Íslandi sé lítið. Samfélaglegt smit á Íslandi er það mesta / næst mesta í heimi.

Dauðsföllum fjölgar aftur á Spáni

Lokið öllu strax segja Ítalskir læknar

Lokið öllu strax segir þessi Ítalski læknir. Þessi farsótt er ekki flensa heldur drepsótt.

Af hverju er allt opið hér enn? Af hverju eru niðurstöður Íslenskrar erfaðgreiningar að um 1% landsmanna er sýktur virtar að vettugi? Ok, segjum að þær séu ofmetnar, þangað leiti fólk sem grunar að það sé skýt. Það þýðir samt að um 0,5% er að minnska kosti með veiruna 360.000 x 0,5% = 1.800. Það þýðir að um 1.500 til 2.000 manns er sannanlega sýktur og gengur nú um allt samfélagið og smitar og smitar. WHO segir að 3,4% þeirra sem smitast deyji. Það þýðir að bara 50 til 70 manns muni deyja hér á næstu vikum verði smitið stöðvað í dag.

Af hverju er ekki sett á útgöngubann og allir sem koma til landsins settir í 14 daga sóttkví? Af hverju vilja yfivöld búa til aðra "Ítalíu" hér á landi?

Hættið að hlutsa á úteltar hugmyndir sóttvarnarlæknis um hvernig eigi að bregðast við þessari veiru, setjið ykkur í sambandi í Ítölsk yfirvöld, setjið á útgöngubann og lokið landinu í dag

 

Ísland tekur þátt í ferðabanni ESB

Löngu tímabært að setja sóttvarnarlæknir af og loka landinu

Breski sóttvarnarlæknirinn sem vann eftir sömu aðferðum um varnir gegn drepsóttinni og okkar Íslenski sóttvarnarlæknir hefur verið settur af. Ábyrgari aðilar hafa tekið við völdum í Bretlandi, lokað veitingahúsum og skólum hvatt til samkomubanns ásamt því að loka landinu að mestu fyrir farþegaflugi.

Flest lönd Vestur Evrópu hafa gengið lengra, sett á útgöngubann og engum heypt inn í landið nema fara í 14 daga sóttkví. Þessar þjóðir ætla sér að stöðva pestina, stöðva smitið, ekki láta hana ganga vísvitandi yfir allt samfélagið eins og Þórólfur vill að gerist hér á landi með tilheyrandi mannfalli. Sú saga gengur að útlendingurinn sem lést á Húsavík í vikunni hafi verið 37 ára gamall. Talið er að hann hafi látist af hjartaáfalli sem er ein af dánarorsökum fólks sem á öllum aldri er nú að deyja vegna drepsóttarinnar.

Skv rannsóknum ÍE þá er um 1% þjóðarinnar smitaður. það eru um 3600 manns. Segjum að það sé helmingi of hátt mælt. Niðurstaðan er samt sú að hér á landi eru 1000-2000 manns sem nú gengur um allt samfélagið og smitar án þess að vita af því. Í ljósi þessa er bara fáránlegt að tala um að hér á landi séu nokkur hundruð manns smitaður þegar allir vita að þeir teljast í þúsundum.

Þrátt fyrir þessa vitneskju að þúsundir manna gangi hér um smitandi þá er allt opið, leikskólar- og grunnskóar, verslanir, veitingahús og ferðamönnum er enn hleypt inn í landið. Við erum neydd til að taka þátt í þessari Rússneskru rúllettu með lífið að veði í boði sóttvarnarlæknis og þetta má ekki viðgangast lengur. Allt stefnir í að ástandið á Íslandi verði svipað eða verra en er nú á Norðu Ítalíu. Þar sem ástandið er verst þar er fólk eldra en 60 ára ekki lengur hleypt inn á spítalana. Það fólk er sent heim og látið deyja þar. ítalski landlæknirinn er látinn og á annan tug prósenta heilbrigðisstarfsfólks þar í landi er smitaður.

Löngu er tímabært að setja sóttvarnarlæknir af, loka landinu og koma á útgöngubanni. Ég skora á heilbrigðisráðherra og samtök lækna að taka fram fyrir hendur sóttvarnarlæknis og loka landinu að fyrirmynd annarra ríkja.

Farþegaumferð í Leifsstöð hefur snarminnkað

Verður snjór og hálka á fjallvegum í júlí og ágúst daglegt brauð næstu áratugina?

Þessi grein hér er ein sú ævintýralegsta sem ég hef lesið um langan tíma. Vegna þess þá ætla ég að snara hluta af henni yfir á íslensku þannig að sem flestir megi skilja hvaða ótrúlegu hlutir bíða okkar á næstu áratugum:  

"Grein Prófessors Valentina Zharkova’s frá Háskólanum í Northumbria, Bretlandi „Sveiflur í grunngildum segulsviðs sólar og sólgeislun um árþúsundir“ hefur verið ritrýnd og er nú samþykkt til birtingar í tímaritinu Nature. Greinin staðfestir að mikið sólar lágmark mun verða á árunum 2020 til 2055 vegna þess að öll fjögur segulsvið sólarinnar sveiflast úr takti. Þetta þýðir að fáir sólblettir munu sjást á sólinni og virkni hennar í að hita upp jörðina mun því verða í lágmarki. Eftir þetta 35 ára kalda tímabil mun hlýna á ný vegna aukinnar virkni sólarinnar, fleiri sólblettir myndast, þar sem segulsviðin fara aftur að vinna saman. 

Zharkova og teymið hennar hefur með sínum reiknilíkönum náð að líkja það vel eftir hegðun sólarinnar að líkanið sýnir nær fullkomlega alla helstu og stærstu viðburði sólarinnar síðustu árþúsund. Öll lágmörk sólarinnar, Maunder lágmarkið (1645-1715), Wolf lágmarkið (1300-1350), Oort lágmarkið (1000-1050) og Homer lágmarkið (800-900 f.Kr). Einnig sólar hámörkin þegar mest var um sólbletti, Hlýindaskeið miðaldra (900-1200), Rómverska hlýindaskeiðið (400-150 f.Kr) o.s.frv.

Í framhaldi af þessu vel skilgreinda og mikla sólar lágmarki, „Super Grand Solar Minimum“ sem verður á árunum 2020-2055 þá mun jörðin eftir 2055 fara inn í 300 ára aukna virkni sólarinnar sem mun valda hlýnun jarðar sem nemur 0,5°C á öld. Þessu hlýindaskeiði lýkur þegar næsta mikla sólar lágmark verður (2370-2415). Þegar þessu kalda tímabili líkur 2415 þá mun aftur hlýna um sem svarar til 0,5°C á öld fram til 2600 þegar sólin mun skipta um gír og fara í langt kólnunarferli sem mun endast í 1000 ár sem að öllum líkindum mun setja af stað nýja ísöld.

Samkvæmt reiknilíkani Zharkovu þá er fram undan gríðarlegt sólarlágmark svipað Maunder lágmarkinu (1645-1715). Á því tímabili voru sólbrettir mjög sjaldgæfir. Þessi ár voru þau köldustu á Litlu ísöldinni (1300-1850). Eðlilegar sveiflur í virkni sólarinnar ganga yfir á 11 árum. Núverandi sólarsveifla er númer 24 í tímatalinu sem þessar sveiflur eru talar í. Þessi sólarsveifla nr. 24 er sú veikasta í yfir 100 ár. Enda hefur kólnað hratt síðustu 2-3 ár og er núverandi ár eitt lélegasta uppskeruár um árabil.

Árið 2020 mun byrja með kulda og miklum rigningum. Sólarsveiflan hefur verið að minnka frá 1970. Sólar lágmarkið er minnst þrjár sólarsveiflur og það byrjar 2020. Milli áranna 2030 og 2040 þegar sólarsveifla nr. 26 gengur í garð þá verður kólnunin mest. Sólbletta virkni sólarinnar mun falla um 60% miðað við virkni hennar nú. Þéttni sólargeislunarinnar mun minnka um 3 wött per fermetra. Þetta er meira en öll samanlögð gróðurhúsáhrif lofthjúps jarðar sem er talin vera um 2 wött per m2. Þessi minnkandi sólbletta virkni sólarinnar mun einnig hafa áhrif á segusvið jarðar sem mun magna enn frekar upp þessi áhrif sólarinnar á jörðina.  

Sú deild NASA sem rannsakar sólina er sammála því að fram undan er mikið sólarlágmark á árunum 2020-2055 og sólarsveifla nr. 25 sem er að taka við hún verður daufari en þessi nr. 24. NASA spáir því sólarsveifla nr. 25 verði sú daufasta í 200 ár en spáir þó heldur mildari sólarlágmarki en Zharkova og teymið hennar. Þeir spá svipuðu sólar lágmarki og Dalton lágmarkið var (1790-1830)".

Lýkur hér þýðingu minni upp úr þessari grein. Greinina sem ég þýddi upp úr má finna hér. Grein Zharkova í Nature á ensku má finna hér. Mjög fín 4 mínútna samantekt á YouTube á ensku með texta á rannsóknum Zharkova er að finna hér. Þar kemur meðal annars fram að af 150 reiknilíkönum var reiknilíkan hennar er eitt af tveimur sem spáði rétt til um hve veik sólarsveifla nr. 24 varð. Eins að þetta reiknilíkan hennar er að ná með 97% nákvæmni allri hegðun sólarinnar síðustu árþúsund. Fyrir þá sem vikilega vilja kynna sér hvað framtíðin ber í skauti sínu og þá er hér langur fyrirlestur sem Zharkova flytur, sjá nánar hér. Mjög góðar skýringar á dönsku er að finna hér. 

Ég vil benda á að við Íslendingar eigum hitamælingar frá Stykkishólmi sem ná aftur til 1798 og þar með getum við séð hvaða hitastigið var í Stykkihólmi á árunum þegar Dalton lágmarkið (1790-1830) var hér við völd. Sjá hér.

Meðal hiti í Stykkihólmi var þá um 1°C lægri en nú er. Þetta er tímabil köldu áranna. Flest okkar sem erum á lífi í dag þekkjum bara kalda árið 1979. Skv. mæligögnum frá Stykkishólmi var það á engan hátt eitthvað sérstaklega kalt ár. Á árunum 1800-1900 komu mörg miklu kaldari ár en þau sem við höfum lifað. Það er líka sláandi að sveiflur í hitastigi milli ára á Stykkishólmi voru miklu meiri á köldu árunum frá 1800 til 1900 en eftir 1900 þegar það byrjar að hlýna að ráði. Með hlýnandi veðri minnka sveiflurnar milli ára. Minni sveiflur í hitastigi þýða minni öfgar í veðri. Það hafa gengið yfir miklu erfiðari veður á árunum 1800-1900 en við höfum upplifað.

Ef þetta eru réttar spár hjá NASA og Zharkovu þá eru erfið 35 ár fram undan. Og væntanlega ekki bara 35 ár. Við sjáum á hitamælingunum frá Stykkishólmi að þó Dalton sólar lágmarkinu hafi lokið 1830 þá sýna mælingar að Litlu ísöldinni lauk í Stykkishólmi ekki fyrr en upp úr 1850. Zharkova spáir því að þegar þessu tímabili líkur og sólarsveifla nr. 28 hefst 2055 þá taki við eðlileg virkni sólarinnar og þá mun hlýna. 

Við þurfum líka að átta okkur á því að einn helsti höfundar tilgátunnar um hlýnun jarðar vegna aukins útblátur CO2, vísindamaður sem lagði horsteininn að þeirri tilgátu með línuriti sem kallast "hokký kylfan", Michael Mann, var nýlega að tapa málaferlum í Kanada, málaferlum sem hann hóf sjálfur til að þagga niður í gagnrýnanda sínum, sjá nánar hér. 

Það er því allt sem bendir til þess að það fari kólnandi og það verður kalt hér næsta mannsaldurinn og draumurinn um að það muni hlýna á Íslandi á komandi árum vegna aukins útblástur CO2 af mannavöldum er að engu orðinn.

Snjór og hálka á Öxnadalsheiði í nótt

En hefur magn CO2 í andrúmslofti einhver áhrif á hitastig jarðar?

Samkvæmt hitastigsmælingum frá Stykkishólmi sem ná aftur til 1798 þá er lítil sem engin fylgni með auknum útblæstri CO2 af mannavöldum og þeim hitastigsbreytingum sem hafa orðið í Stykkishólmi síðustu 221 ár.  

Vissulega hefur hlýnað frá lokum Litlu ísaldarinnar. Þessi hlýnun hófst hér á landi um 1850 skv. hitamælingum frá Stykkishólmi, sjá myndina hér við hliðina. Sömu breytingar á hitastig á tuttugustu öldinni er að finna í mæligögnum um allan heim.  Það hlýnaði fram til 1940. Á þessum árum frá 1850 til 1940 var brennsla jarðefnaeldsneytis lítil sem engin. Í fyrri heimstyrjöldinni, 1914 - 1918, þá voru í notkun örfá tæki sem brenndu olíu. Hermenn fóru sinna ferða gangandi eða á hestbaki. Einstaka lestir og skip knúin gufuvélum voru í notkun. Það stenst því enga skoðun að halda því fram að útblástur CO2 af mannavöldum hafi valdið því að það hlýnaði á þessum árunum. Það var ekki útblástur á CO2 af mannavöldum sem varð þess valdandi að Litlu ísöldinni lauk um 1850 og það byrjaði að hlýna.

 

 

Í upphafi Seinni heimstyrjaldarinnar þegar notkun á jarðefnaeldsneyti fer fyrir alvöru að aukast þá byrjar að kólna. Á árunum 1940-1980 kólnar samfellt og það þrátt fyrir gríðarlega aukningu í útblæstri CO2 á þessu fjörutíu ára tímabili. Á þessum árum má segja að Vesturlönd hafi iðnvæðst með brennslu jarðefnaeldsneytis. Samt kólnaði á þessum árum. Þessi kólnun í þessi 40 ár átti sér stað um allan heim. Hitastigsmælingar í Reykjavík eru í fullu samræmi við mælingarnar í Stykkishólmi. Sjá mynd hér við hliðina. Í Reykjavík þá sést vel hvernig hitnar fram undir 1940 en síðan tekur að kólna og það kólnar fram til 1980. Ef aukinn útblástur CO2 af mannavöldum er að valda hlýnun jarðar af hverju þá þessi kólnun á þessum 40 árum þrátt fyrir þennan mikla aukna útblástur á sama tíma?  

Á árunum 1980 til aldamóta, á þessum 20 árum, þá hlýnar samhliða auknum útblæstri CO2. Á þessum árum gengur tilgátan um hlýnun jarðar vegna útblásturs CO2 af mannavöldum upp. Hlýnunin sem varð frá 1980 til 2000 er svipuð og hún var á árunum fyrir seinna stríð. Nú er álíka hlýtt í Reykjavík og á árunum 1930-1940. Frá aldamótum hefur hins vegar ekkert hlýnað skv. hitamælingum veðurtungla Veðurstofu BNA, sjá hér. Hitastig hefur verið nokkuð stöðugt síðast liðin 20 ár og það þrátt fyrir að aldrei hafi verið dælt jafn miklu af CO2 út í andrúmsloftið og á þessum árum. Á einu tuttugu ára tímabili frá lokum Litlu ísaldarinnar, þ.e. í 20 ár af 221 árum má finna tímabil þar sem tilgátan um  hlýnun jarðar af mannavöldum stenst skoðun. Hitamælingar hin 201 árin benda hins vegar til þess gagnstæða.  

Horfandi á þessar hitamælingar frá Stykkishólmi og Reykjavík þá er það mér mjög erfitt að að trúa því að aukið magn CO2 í andrúmslofti sé að hafa áhrif á hitastig jarðar. Okkar eigin mæligögn segja okkur aðra sögu. CO2 er ekki að hafa nein áhrif. Ef það er farið í þá vegferð að breyta og falsa þessi mæligögn þá má að sjálfsögðu sýna fram á hvað sem er. Allt bendir til þess að Loftlagsráð SÞ, IPCC, notist við breytt mæligögn frá veðurstöðvum um allan heim til að sanna tilgátuna um hlýnun jarðar af mannavöldum. Sjá meðfylgjandi mynd og sjá þennan tengil hér. Óbreyttar mælingar frá Reykjavík eru merktar GISS 2012 á þessari mynd. Mælingar merktar GISS 2013 hefur verið breytt verulega. Hlýnunin milli 1930-1940 er horfin og kólnunin kringum 1980 hefur verið minnkuð. Allt bendir því miður til þess að spálíkön Loftlagsráðs SÞ, IPCC, notist við breyttar hitamælingar og eru að spá "hamfarahlýnun" á komandi árum á grunni þessara breyttu gagna.  

Það er kannski ekki að undra að mesta tækniþjóð okkar tíma og ein sú best menntaða, sú Bandaríska, að þar hafa stjórnvöld og mikill meiri hluti vísindasamfélagsins sem láta sig þessi mál varða (sjá hér 31.487 trúa ekki á tilgátuna og hér 800 trúa á tilgátuna) hafnað tilgátunni um hlýnun jarðar af mannavöldum og þjóðin sagt sig frá Parísarsamkomulaginu og öllu samstarfi við Loftlagsráð SÞ, IPCC. Brasilía, Indónesía og Ástralía íhuga að gera það sama. Erindreka IPCC sem hingað koma með heimsendaspár byggðar á fölsuðum mæligögnum frá Íslandi eigum við að senda til síns heima. Við eigum að horfa á staðreyndir og okkar eigin ófölsuð hitamælingar sem sýna og sanna að breytingar á hitastigi hér á landi eru óháðar magni CO2 í andrúmslofti. Á grunni þessara gagna eigum við að spyrja okkur hvort við eigum að fylgja fordæmi BNA og segja okkur frá Parísarsamkomulaginu. 

 

Megum alls ekki hika

En hefur eitthvað hlýnað frá aldamótum?

Það hefur ekkert hlýnað á jörðinni síðustu 20 ár samkvæmt mælingum veðurtungla Veðurstofu BNA, sjá nánar hér. 

Þessar mælingar veðurtungla Veðurstofu BNA eru bestu og nákvæmustu hitastigsmælingar á lofthjúp jarðar sem völ er á. Þær mæla neðstu 8 km lofthjúpsins og hafa verið í gangi frá 1979. Þessar mælingar eru framkvæmdar með örbylgjum og hafa frá upphafi verið studdar hefðbundnum mælingum úr loftbelgjum sem sleppt er frá jörðu og mæla hitastig þessara sömu 8 km. Hundruðum loftbelgja hefur verið sleppt á hverju ári um allan heim til að staðfesta og stilla hitamælingar veðurtunglanna. Eftir 40 ára samfelldar mælingar 24/7 yfir allan hnöttinn hafa þessar veðurtunglamælingar verið fínstillar og betrumbættar þannig að þær passi sem best við mælingarnar úr þeim þúsunda loftbelgja sem mælt hafa hitastig lofthjúpsins jarðar á sama tíma og stað og veðurtunglin gera sínar mælingar. Það má leyfa sér að fullyrða að þessar mælingar sem unnar eru af Háskólanum í Huntsville í Alabama, UHA, er bestu hitamælingar á lofthjúp jarðar sem völ er á. 

Eins og sjá má á myndinni hér fyrir ofan þá hefur ekkert hlýnað frá aldamótum skv. þessum mælingum. Það varð hitatoppur á árunum 2015-2016 en nú kólnar hratt. El Nino var óvenju öflugur þessi ár en nú hefur La Nina tekið völdin og þessi hlýnun um allan heim sem El Nino olli er gengin til baka. Þetta eru veðurfyrirbrigði ættuð úr Kyrrahafinu. El Nino verður til þegar Kyrrahafið er heitt og hitar loftmassa á stóru svæði. Dæmið snýst svo við þegar La Nina hefur völdin, þá er Kyrrahafið að kæla loftmassann. Þegar El Nino og La Nina eru sterk þá hefur það áhrif á hitastig um allan heim. En þetta eru veðurfyrirbrigði sem vega hvort annað upp og eru ekki að valda langvarandi hlýnun eða kólnun.

Í umræðum um loftlagsmál þá er þessum mælingum frá UHA ekki haldið hátt á lofti hvorki hér á landi eða í Evrópu. Bandaríkjamenn eru hins vegar alveg klárir á þessu og það er kannski ein af ástæðum þess að þeir sögðu sig frá Parísarsamkomulaginu.

Þær hitastigsmælingar sem stjórna umræðunni um loftlagsmál eru mælingar sem gerðar eru á jörðu niðri í 2 m hæð. Mikið af þeim mælingum sýna annan veruleika en veðurtungalmælingar Veðurstofu BNA. Þar kemur þrennt til:

 

Í fyrsta lagi spanna þær lítinn hluta jarðarinnar. Myndin sýnir hvar mælistöðvar er að finna á jörðinni. 70% af yfirborði jarðar er haf. Þar eru engar mælistöðvar. Á stórum landsvæðum eru heldur engar mælistöðvar. Þær hitastigsmælingar sem í dag er verið að nota til að spá "hamfarahlýnun" eru að mæla hitastig á mjög takmörkuðum svæðum heimsins. Þessar hitastigsmælingar eru kannski að ná til 15-20% af yfirborði jarðarkringlunnar.

 

 

 

 

 

Í öðru lagi þá eru hús og tré að skapa skjól sem veldur því að lofthiti mælist hærri í þéttbýli en í dreifbýli. Upphituð hús, bílar og raftæki gefa frá sér hita. Þetta er kallað á ensku "Urban heat Island" eða "Þéttbýlis hitaáhrif". Myndin sýnir þróun hitastigs á Kanto í Japan þar sem eru borgirnar Tokyo og Yokohama annarsvegar og hins vegar mælingar frá dreifbýlinu þar í kring. Hitastigið í þéttbýlinu er að mælast hærra á síðustu áratugum en í dreifbýlinu. Þetta var ekki þannig í byrjun síðustu aldar. Mikið af mælistöðvum eru í þéttbýli. Það er því hætta á að mælingar á jörðu niðri gefi okkur ýkta mynd af þróun hitastigs. Enda er það að sýna sig að mælingar á jörðu niðri eru að mæla meiri hitaaukningu á síðustu áratugum en mælingar veðurtungla Veðurstofu BNA. 

 

 

 

 

í þriðja lagi þá hefur mæligögnum verið breytt. Þar á meðal gögnum frá Íslandi. Sjá nánar hér. Myndin sýnir hvernig mæligögnum frá Reykjavík var breytt af NASA milli áranna 2012 og 2013. Mælingar merktar GISS 2012 eru upphafleg óspillt gögn. Ári síðar, mælingar merktar GISS 2013, þar hefur verið dregið verulega úr hitasveiflunni milli 1930-1940 og kólnunin milli 1940-1980 minnkuð. Við þessar breytingar þá lítur út fyrir að það hafi hlýnað miklu meir en raunin er síðustu áratugi. Þessi breyttu mæligögn er væntanlega verið að nota í dag í spálíkönum Loftlagsráðs SÞ, IPCC, þar sem spáð er "hamfarahlýnun" á komandi árum. 

Nú er ég eins og hver annar leikmaður í þessum loftlagsmálum sem er að reyna að kynna mér og meta út frá minni reynslu og þekkingu og þeim gögnum sem aðgengileg eru á netinu þessi mál. Því meira sem ég kynni mér þessi mál því fleiri og stærri verða spurningarnar við tilgátuna um hlýnun jarðar af mannavöldum. Það vakti á sínum tíma furðu mína og sjálfsagt margra að mesta tækniþjóð þessa heims og ein sú best menntaða, sú Bandaríska, að þar hafa stjórnvöld og meiri hluti vísindasamfélagsins hafnað tilgátunni um hlýnun jarðar af mannavöldum og þjóðin sagt sig frá Parísarsamkomulaginu. Eftir að ég fór að kynna mér þessi mál betur þá er ég ekki lengur undrandi á þeirri ákvörðum Bandaríkjamanna. 

Það er mikið af "Fake news" í gangi í dag og mikið af fölsuðum gögnum í umferð. Við eigum hins vegar gömul óspillt mæligögn frá Reykjavík, Stykkishólmi og víðar sem sýna annan veruleika en þann sem Loftlagsráð SÞ er að sýna okkur. Við höfum aðgang að hitamælingum veðurtungla Veðurstofu BNA sem unnar eru af Roy Spencer við Háskólann í UHA í BNA. Þessum gögnum má treysta. Ef við horfum til þessara gagna þá hljótum við að spyrja: 

Af hverju er verið að boða "hamfarahlýnun" þegar það hefur ekkert hlýnað á jörðinni síðastliðin 20 ár? 

 

 

Ísland mun leggja sitt af mörkum

82% þjóðarinnar vill fá að kjósa um framhald viðræðna við ESB, aðeins 18% vill slíta samningum

• 82% þjóðarinnar vill fá að kjósa um framhald viðræðna við ESB (18% vill slíta samningum).
• 68% þjóðarinnar mun kjósa með áframhaldandi aðlögum að ESB verði kosið um framhald viðræðnanna (32% vill ekki áframhaldandi aðlögun að ESB).
• Tæp 50.000 hafa skrifað undir á www.thjod.is
• Fylgið hrynur af stjórnarflokkunum og einhver mestu fjöldamótmæli sem sést hafa á Íslandi eru nú í gangi.
• Stór hluti kjósenda hefur ekki tekið afstöðu til þess hvort hér eigi að taka upp evru og Ísland að ganga í ESB. Það mun þessi stóri hluti þjóðarinnar gera þegar samningur liggur fyrir. Þær skoðanakannanir sem vitnað er til að meiri hluti er andvígur inngöngu í ESB, þær skoðanakannanir eru því ekki marktækar.

Með þessum mikla áhuga sem þjóðin hefur á að kjósa um þetta mál og það að 68% vill halda núverandi aðlögun að ESB áfram segir okkur bara eitt.

• Við aðildarsinnar munum vinna allar þær kosningar sem haldnar verða um þetta mál.

Framsókn og Sjálfstæðisflokkurinn geta haldið áfram að berja höfðinu við steininn í einhver ár í viðbót en því fyrr sem þessir flokkar sætta sig við þennan kalda pólitíska veruleika og fara að vinna með fólkinu í landinu og hætta að halda á lofti skoðunum lítils minnihluta, þessara 18% sem vilja slíta viðræðum, því betra fyrir þessa flokka, þingmenn þeirra og kjósendur.

 

Það er ljóst að framsóknarmenn í Kópavogi hafa áttað sig á þessum kalda pólitíska veruleika...  

 

Kópavogur skorar á Alþingi í ESB-máli

Stjórnin rúin trausti, uppstokkun hlýtur að vera framundan

Ríkisstjórn Íslands er komin upp á kant við þjóðina. Í stærsta hagsmunamáli okkar tíma, aðild Íslands að ESB og hvort hér á að taka upp evru eða ekki, í þessu stærsta hagsmunamáli okkar tíma er ríkisstjórn Framsóknar og Sjálfstæðisflokksins orðin viðskila við þjóðina.

Breiðfylking þjóðarinnar tekst þessa sólahringana á við siðblinda stjórnmálamenn sem sviku sig til valda með loforðum, loforðum sem þeir ætluðu sér aldrei að standa við.

• 82% þjóðarinnar vill fá að kjósa um framhald aðildarviðræðnanna við ESB.
• 68% þjóðarinnar vill halda áfram viðræðum um aðild að ESB.
• Tugir þúsunda hafa mætt síðustu tvær vikur á mótmæla- / samstöðufundi á Austurvelli.
• Rúmlega 48.000 manns hafa skrifað undir áskorun á www.thjod.is
• 40,9% þjóðarinnar styður nú ríkisstjórnina. 

Það er ekki ofsögum sagt að segja að ríkisstjórninni hefur tekist að sameina þjóðina á móti sér. Ríkisstjórnin hefur tapað miklum trúverðugleika og sumir ráðherrar svo miklum að þeim er ekki lengur stætt í ríkisstjórn og ættu að segja af sér. Að óbreyttu stefnir í að núverandi stjórnarflokkar fái svipaða rassskellingu frá kjósendum og vinstri flokkarnir tveir fengu í síðustu kosningum.

Ef ríkisstjórnarflokkarnir ætla að stöðva áframhaldandi fylgistap sitt og vinna til baka hluta af þeim trúverðugleika og það fylgi sem nú þegar er tapað þá eru bara tveir valkostir í stöðunni.

• Boða til kosninga um ESB málið í haust
• Stokka upp í ríkisstjórninni með því að skipta út a.m.k. helmingi allra ráðherranna.

Sjálfstæðisflokkurinn á reyndar einnig þann valkost að boða til kosninga um ESB málið í haust og slíta um leið þessu stjórnarsamstarfi við Framsókn og mynda nýja ríkisstjórn með stjórnarandstöðuflokkunum eða einfaldlega láta kjósa til þings strax í vor meðan fylgi Framsóknar er þessi 12% til 14% og mynda í framhaldi nýja stjórn þar sem formaður Sjálfstæðisflokksins leiðir nýja ríkisstjórn sem forsætisráðherra.

 

Pólitískur möguleiki að núverandi ríkisstjórn verði óvinsælli en vinstri stjórnin

Með 8.000 manns að mótmæla á Austurvelli í gær, laugardag, 44.000 skrifað undir á www.thjod.is og Sjálfstæðisflokkinn komin í 19% fylgi þá allt í einu opnast ómöguleikinn á því að það sem menn töldu ómögulegt getur orðið mögulegt.

Nú getur það ómögulega gerst að fylgi Sjálfstæðisflokksins hættir ekki að hrynja. Fyrir áratug var það talinn ómöguleiki að fylgi Sjálfstæðisflokksins mældist undir 20%. Nú hefur sá ómöguleiki orðið að veruleika. Nú getur það sem áður var talið ómöguleiki, nú getur það haldið áfram að gerast. Fylgi Sjálfstæðisflokksins gæti falli í skoðunarkönnunum niður í 10% til 15%.

82% þjóðarinnar vill fá að kjósa um áframhald aðildarviðræðnanna. Það þýðir að aðeins 18% þjóðarinnar styður þá vegferð sem ríkisstjórnarflokkarnir eru nú lagðir í. Og hvaða kosningaloforð verða svikin næst spyr fólk.  

Þessi 18% þjóðarinnar sem styður ríkisstjórnina, Heimsýn, bændaforystuna og LÍÚ í þessu máli, verður það fylgið, 18%, sem ríkisstjórnarflokkarnir fá í næstu þingkosningum?  

Þegar ómöguleikinn hefur einu sinni átt sér stað þá er oft eins og slíkir ómöguleikar haldi áfram að endurtaka sig.

Barðir og bitnir mæta ráðherrar og stjórnarþingmen á Búnaðarþing

Ef ætlun ríkisstjórnarinnar og stjórnarþingmanna var að slíta viðræðum um aðild að ESB í vikunni og mæta í framhaldi eins og sigurvegarar á Búnaðarþing sem sett er í dag, laugardag, þá hefur sú fyrirætlan snúist upp í algjöra andhverfu sína.

Í stað þess að rifta þessum samningum og loka þar með á aðildarumsókn Íslands að ESB þá hefur ríkisstjórninni tekist að sameina þjóðina með okkur aðildarsinnum.

Það þarf að fara aftur til Icesave málsins til að finna mál sem hefur sameinað þjóðina með þeim hætti sem nú hefur gerst.

• 82% þjóðarinnar krefst þess að fá að kjósa um málið
• 64% þjóðarinnar segist vilja halda samningum áfram

Fylgi Sjálfstæðisflokksins mældist í vikunni 19% og Framsóknarflokksins 13%. Álíka margir segjast ætla að kjósa Sjálfstæðisflokkinn og hafa skrifað undir áskorunina á www.thjod.is um að halda eigi viðræðum áfram.

Miðað við þennan áhuga og þessi jákvæðu viðhorf til áframhaldandi aðlögunar Íslands að ESB og áframhaldandi samningum við sambandið þá er það borðleggandi að þjóðin mun samþykkja væntanlegan samning þegar hann verður lagður fyrir þjóðina.

• Á einni viku hafa ráðherrar og stjórnarþingmenn misst allan trúverðugleika og bera ábyrgð á einhverju mesta fylgishruni sem þessir flokkar hafa orðið fyrir á einni viku.
• Á einni viku hefur ráðherrum og stjórnarþingmönnum tekist að sameina þjóðina gegn ríkisstjórninni og gegn forystu bændasamtakanna í ESB málinu.
• Á einni viku hefur ríkisstjórninni tekist að snúa aðildarviðræðunum í þann veg að þessum samningum verður fram haldið, ef ekki á kjörtímabilinu, þá þegar þessi ríkisstjórn hrökklast frá og það liggur fyrir nú að þjóðin mun samþykkja þann samning.

Í stað þess að ráðherrar og stjórnarþingmenn mæti á Búnaðarþing sem sigurvegarar þá mæta þeir þar barðir og bitnir, rúnir öllu trausti með gríðarlegt fylgistap á bakinu og öskrandi fjöldamótmæli í gangi, fjöldamótmæli sem enginn sér fyrir endann á.

Eftir tæpt ár á valdastóli riðar þessi ríkistjórn til falls...

 

Fylgi stjórnarflokkanna undir 40%

Fámennur hópur karla á landsbyggðinni leiðir andstöðuna við aðildarviðræðurnar

70% kvenna í landinu vilja halda aðildarviðræðunum við ESB opnum. 76% íbúa Höfuðborgarsvæðisins vilja halda aðildarviðræðunum opnum. Á landinu öllu vilja 68% halda aðildarviðræðum áfram skv. nýrri könnun MMR, sjá hér.

Það er því ljóst skv. könnun MMR að það er fámennur hópur landsmanna, karlar á landsbyggðinni, þar sem andstaðan / hræðslan við aðild að ESB er mest.

Samkvæmt nýrri könnun fréttablaðsins kemur fram enn sterkari vilji þjóðarinnar en áður að kosið verði um það hvort halda eigi viðræðunum við ESB áfram. Samkvæmt þeirri könnun er 82% þjóðarinnar fylgjandi því að þessum samningum verði ekki rift heldur fái þjóðin að kjósa um framhald málsins.

Þessi gríðarlega andstaða við að samningum verði slitið gefur tóninn hvernig sjálfar kosningarnar um aðildarsamninginn munu fara.

Það er ljóst að við aðildarsinnar munum vinna allar þær kosningar sem boðað verður til vegna þessa máls því þegar á reynir, eins og er að sýna sig núna, þá vill þjóðin ganga í ESB og taka upp evru.

Það mun og verða niðurstaða þessa máls, óháð því hvernig fámennur hópur karla á landsbyggðinni hrópar, kallar og ólmast.

 

 

68% vilja halda viðræðum opnum

75% þjóðarinnar vill ljúka samningum og borðleggjandi að þjóðin mun samþykkja þann samning

Frá upphafi hefur stærstur hluti kjósenda ekki viljað taka afstöðu til aðildar að ESB fyrr en samningur liggur fyrir. Það er því rangt að túlka þessar skoðanakannanir á þann veg að meirihluti sé andvígur inngöngu.

Þvert á móti þá hefur frá upphafi meirihluti þjóðarinnar viljað ljúka samningnum og fá að kjósa um það hvort við göngum í ESB og tökum upp evru. Og þessi meirihluti fer vaxandi, komin upp í 75% skv. síðustu könnun.

Það hefur því verið ljóst allan tímann að við aðildarsinnar munum vinna þessa atkvæðagreiðslu hvort halda eigi viðræðunum áfram.

Og við munum líka vinna atkvæðagreiðsluna um aðild að ESB þegar samningur liggur fyrir. Því þá verður bara spurt: Vilt þú stöðugt verðlag og lægri vexti?

Og við vitum öll hverju kennarar og rafvirkjar þessa lands munu svara þeirri spurningu.

Gjáin milli þings og þjóðar hefur sjaldan verið svona stór. Aðeins fyrir fyrri kosningarnar um Icesave sýndu skoðanakannanir að um og yfir 75% þjóðarinnar vildi hafna Icesave samningunum.

Aldrei hafa stjórnmálaleiðtogar þjóðarinnar blekkt þjóðina með jafn grófum hætti og gert var fyrir síðustu kosningar, þegar því var lofað að efnt yrði til kosninga um framhald viðræðnanna, loforð sem við vitum nú að aldrei stóð til að efna.

Aldrei áður hafa stjórnmálaleiðtogar þjóðarinnar  komist til valda með viðlíka blekkingum.

 

Þetta er fullreynt. Það verða að koma til ný öfl og nýtt fólk til að taka hér við stjórnartaumunum.

 

„Mér finnst þetta ekki siðlegt“

Þúsundir skrifa nú undir nýja undirskriftarsöfnun að halda áfram aðildarviðræðum

Enn á ný þarf almenningur að grípa fram fyrir hendurnar á fjórflokknum.

Ítrekað hefur komið fram í skoðunarkönnunum að mikill meirihluti þjóðarinnar vill ljúka aðildarviðræðum við ESB. Þjóðin vill fá að taka um það ákvörðun hvort gengið verði í ESB og hér tekin upp evra.

Enn á ný ætla elstu valdablokkirnar á Íslandi að virða að vettugi vilja þjóðarinnar. Í upphafi nýs kjörtímabils sýna þessar valdablokkir tennurnar. Þær vilja ráða örlögum þjóðarinnar án þess að þjóðin hafi að því neina aðkomu.

Undir er stærsta hagsmunamál okkar tíma  -  og að sjálfsögðu hafa menn á því misjafnar skoðanir.

 

Ég hvet alla til að skrifa undir þessa undirskriftarsöfnun til að tryggja það að þjóðin sjálf fái að ráða niðurstöðu þessa máls. 

Sjá hér:

 http://www.petitions24.com/ekki_draga_umsoknina_tilbaka

 

 

 

Allt stefnir nú í aukna alþjóðlega einangrun og aukna fátækt

Það er dapurlegt að horfa upp á fyrstu verk þessarar ríkisstjórnar. Allt stefnir nú í að undir stjórn þessarar ríkisstjórnar þá bíður okkar íslendinga ekkert annað en aukin alþjóðleg einangrun og áframhaldandi aukin fátækt.

Sjávarútvegur og landbúnaður getur einn og sér aldrei brauðfætt þessa þjóð og skapað hér sambærileg lífskjör og í nágrannalöndunum. Það er því óðs manns æði að fórna samfélaginu fyrir hagsmuni þessara tveggja atvinnugreina eins og nú er verið að gera.

Aðild að ESB og upptaka evru mun skapa hér hagvöxt upp á a.m.k. 2% á ári um ókomin ár. Gjaldeyrishöftum sem engin sér fyrir endann á í dag verður þá hægt að aflétta. Vextir og verðbólga verður sambærileg og nú er í Evrópu. Náist fríverslunarsamningur milli ESB og USA og við hluti af ESB þá mun það skapa okkur hagvöxt upp á 1% til 2% á ári til viðbótar um ókomin ár.

Það er dapurlegt að horfa upp á þetta unga fólk sem hér hefur komist til valda neita að taka þátt í sínum samtíma þar sem alþjóðleg samskipti og alþjóðleg viðskipti er lykillinn að velferð ríkja, ungt fólk sem velur þess í stað að hverfa til fortíðar og keyra samfélagið aftur ofaní gömlu hjólförin sem Geir Hallgrímsson og Steingrímur Hermannsson mótuðu fyrir rúmum aldarfjórðungi síðan.

 

Sameinumst á bak við kröfu Framsóknar og fjarlægjum snjóhengjuna

Það er ljóst að Framsóknarflokkurinn mun láta reyna á kröfur sínar um að skrifa niður krónueignir erlendra kröfuhafa og nota það fé til lækka skuldir heimana og ríkisins.

Úr því sem komið er þá eigum því að styðja Framsóknarflokkinn í þessu máli og keyra á þetta.

Ef það myndast breið samstaða í samfélaginu að hjálpa Framsóknarflokknum að fara þessa leið þá er það besta veganestið sem samningamenn okkar Íslendinga hafa þegar þeir setjast niður og hefja samninga við þessa erlendu vogunarsjóði.

Ef vel tekst til þá verður snjóhengjan horfin um áramótin, skuldir heimilanna og ríkisins hafa þá lækkað verulega og gjaldeyrishöftin horfin.

Ef horft er til þess sem gerst hefur á Kýpur, þar sem allir innistæðueigendur voru teknir í "Haircut / klippingu" og innistæður þeirra skornar niður um 60% til 90% þá er þar komið fordæmi fyrir aðgerðum okkar Íslendinga, þó svo um öðruvísi aðstæður hafi verið að ræða. Fordæmið er eftir sem áður fyrir hendi, innistæður erlendra aðila í Evrópulandi hafa sætt verulegum niðurskurði.

Erlendar innistæður í gömlu bönkunum 

Í annan stað ber einnig að horfa til erlendra eigna gömlu bankana. Þessar eignir eru í dag um 2.500 ma. Íslenska ríkið var skuldlaust 2007 þegar lausafjárkreppan hófst í júlí það ár. Vegna þessarar alþjóðlegu fjármálakreppu þá var hlaðið 1.700 ma. skuld á ríkissjóð, aðallega til að bjaga fjármálakerfinu. Af hverju eru gömlu bankarnir ekki einfaldlega settir í gjaldþrotameðferð skv. íslenskum gjaldþrotalögum? Þá munu lög um gjaldeyrishöft sjá til þess að allur þessi gjaldeyrir rennur inn í Seðlabankann. Af hverju setjum við þessa 2.500 ma. í erlendum gjaldreyri ekki líka í "klippingu" og við notum það fé til að skila ríkissjóði í svipaða stöðu og hann var í þegar lausafjárkreppan skall á? Kröfuhafar hirða svo rest.

Neyðarlögin og Icesave 

Í þriðja lagið þá á þrotabú Landsbankans að greiða Bretum og Hollendingum, skv. neyðarlögunum, um 1.200 ma. vegna Icesave reikningana. Þegar hafa verið greiddir um 700 ma. og allar lámarksinnistæður þar með bættar með fé úr bankanum. Eftir er að greiða um 500 ma. Í ljósi sýknudóms EFTA dómsstólsins, af hverju breytum við ekki neyðarlögunum eða fellum þau niður? Þar með fellur niður skylda bankans að greiða þessa 500 ma. til Breta og Hollendinga. Er ekki eðlilegra að það fé renni til kröfuhafa bankans frekar en að borga meira til Breta og Hollendinga? Þá fær lífeyrissjóðurinn minn og Seðlabankinn eitthvað upp í sínar kröfur. Helst hefði ég viljað að við gerðum þessa 500 ma. upptæka upp í það tjón sem hryðjuverkalögin olli okkur.

Nú þegar við erum laus við helstu varðhunda alþjóðlegra fjármagnseigenda úr ríkisstjórn þá ber okkur að nota þau tækifæri sem okkur bjóðast sem þjóð til að vinna okkur út úr því öngstræti sem við erum í, gjaldþrota þjóð í höftum. Komum okkur út úr þessari stöðu. Framsóknarflokkurinn hefur bent á færa leið.

Styðjum Framsóknarflokkinn í því að fara þessa leið og losa þjóðina úr fjötrum fátæktar. 

 

Skuldalækkun kallar á miklar mótvægisaðgerðir

Forsetinn velur forsætisráðherraefnið sem síðan myndar ríkistjórn fyrir forsetann.

Í nýafstöðnum Alþingiskosningum þá vorum við að kjósa þingmenn til að fara með fjárveitingavaldið og löggjafarvaldið með forsetanum.

Alþingi fer ekki með framkvæmdavaldið. Við erum ekki að kjósa þingmenn til að fara með framkvæmdavaldið.

Við kjósum forseta og hann, skv. stjórnarskrá, fer með framkvæmdavaldið.

Forsetanum er nú í lófa lagið að mynda utanþingsstjórn sem starfað gæti þess vegna í fjögur ár, væri þingmeirihluti fyrir því að verja slíka stjórn vantrausti. 

Forsetinn mun nú velja sitt forsætisráðherraefni og fela honum að mynda fyrir sig ríkisstjórn. Ég spái því að forsetinn muni gera Sigmund Davíð að forsætisráðherra. 

Takist Sigmundi Davíð að semja við aðra þingflokka um myndun ríkisstjórnar með hann sjálfan sem forsætisráðherra þá mun hann leggja tillögu sína að nýrri ríkisstjórn fyrir forsetann. Engin krafa er um að þessir ráðherra skuli vera þingmenn. Allir ráðherrarnir gætu þess vegna verið fólk sem ekki situr á þingi. Forsætisráðherrann og forsetinn ráða því. Sé ríkisstjórnin og ráðherralistinn forseta þóknanlegur þá fær Sigmundur Davíð leyfi forsetans að fara með það framkvæmdavald sem þjóðin hefur falið forsetaembættinu. 

Forseti getur hvenær sem er á kjörtímabilinu kallað þetta vald sitt úr höndum Sigmundar Davíðs og boðað til nýrra kosninga.

Þannig á þetta ferli að ganga fyrir sig samkvæmt Íslensku stjórnarskránni.

 

Þjóðin henti fólkinu sem hatar framkvæmdir út úr stjórnarráðinu.

Þó ég hafi hvorki kosið Framsóknarflokkinn né Sjálfstæðisflokkinn þá fagna ég niðurstöðu þessarar kosninga.

Að sjá fram á að hér taki við völdum flokkar sem hatast ekki út í ákveðnar atvinnugreinar heldur fagna fjölbreytileika í atvinnurekstri og atvinnuuppbyggingu er mikið gæfu spor fyrir land og þjóð.

Það hefur verið ömurlegt að horfa upp á það í fjögur ár að hér hafa verið við völd stjórnvöld sem hafa hatast út í ákveðnar gerðir og tegundir atvinnurekstrar.

Stjórnvöld sem hata framkvæmdir.

Vonandi að nú sé tími Svandísar Svavarsdóttur og Andra Snæs Magnasonar sem helstu hugmyndafræðinga þjóðarinnar í atvinnumálum liðinn...

Vonandi að þeir tímar komi aldrei aftur.

Til hamingju Ísland.

Mynd: Aldrei aftur stjórnvöld sem vilja koma þjóðinni aftur inn í torfkofana...

Geta myndað stjórn með 51% fylgi

16,7% sögðust ætla að kjósa Sjálfstæðisflokkinn

Með sömu reikniaðferðum og Sjálfstæðisflokkurinn notaði þegar hann hafnaði niðurstöðum þjóðaratkvæðagreiðslunnar um nýju stjórnarskrána þá voru það 16,7% þeirra sem hringt var í sem sögðust ætla að kjósa Sjálfstæðisflokkinn.

40% kjósenda gaf ekki upp afstöðu sína.

Það þýðir samkvæmt reikniaðferðum Sjálfstæðisflokksins að 83,3% þjóðarinnar ætlar ekki að kjósa flokkinn. 

Framsóknarflokkinn ætla 14,8% þjóðarinnar að kjósa.

Samanlagt ætla samkvæmt könnuninni 31,5% þjóðarinnar að kjósa þessa tvo flokka.

Ég hvet þessi 40% þjóðarinnar sem almennt hefur ekki gefið upp afstöðu sína til að kjósa með hjartanu og vera óhrædd við að gefa nýjum flokkum og nýju fólki tækifæri.

Sjálfstæðisflokkur með mest fylgi